T. MĀKÖS 7:14 - TÖHET LĪPÖRE (Re-edited) Bible (BSI)

¹⁴ Havë-eti Anga-aṅ hēk tö yik tömaṙôngö nö in Ò; ngaich ngö ṙô tö cha, Ṙòkhöre yin hangihtöre; akaha elnang inrē.

T. MĀKÖS 7:14 Referans Kwoze

T. MËTIV 15:10

Havë-eti Anga-aṅ tö yik tömaṙôngö nö in Ò, ngaich ngö ṙô tö cha, Hangihtöre yin; haköp inrē.

INLAHEN 8:30

Faltöre ngaich Filip nö in ò; ngaich hang ṙô ò nö ve-ekūö līpöre ngam pròfĕt Isaya. Ngaich ngö ṙô Filip, Akaha elnang öm tö ngam vahe-ekūöre?

Isayā 6:9

Ngö ṙô ngaich anga-aṅ, Kuṙòh, ve-enynang vē tarik, Iṙūöhen yin hang, öt akaha elnang pöri; iṙūöhen yin meuk, öt akaha elmat pöri.

INCHŌḴ-OṘÔ 8:5

Ō töt akahaṙa, haköp mikah; Ō tökulō-ovö tarik, hangihtöre.

Salmai 94:8

Ngëicha, yī-ö tötlē-ĕ aṅ i vē tarik: yī-ö inrē tö kulō-ov, ĕhē öi min hō akaha?

1 RĀCHA 22:28

Ngaich ngö ṙô ang Mikāya, Yē meh min ṙēhĕn havan im kumchikṙen ngaich öt löknyö in chu ṙô ngam Mā Tēv. Ngaich ngö ṙô anga-aṅ, Yī-ö tarik, hang yin öi ṙòkhöre.

1 RĀCHA 18:21

Haröhtöre ngaich Ĕlaicha nö yihtöre nö in yik tarik, ngaich ngö ṙô, I ṙô-òten öi sökngöre ihôi në tönët ṙinātö ellōn? Yē ngam Mā Tēv nö Tēv, tömrit ò; yĕn Pē-al pöri ngaich tömrit ò yĕh. Ngaich öt hĕng höiny milôhò yik tarik nö sapṙô ò.

T. LŪKÖS 12:1

Hē e yik tö ṙōl köṅny tömaṙôngö nö hamūlöre nö pōyen, tön uroh nöng kö rööntökui höö, rĕhnyôre Anga-aṅ tö yik mahaköp nö ngö ṙô, Urĕh yin haṙēmngenre tö nup tö-aföhlöng ròtī i yip Feresī, ngam innyatkö-elmat.

T. MĀKÖS 7:13

Höng chanök alaha ngaich ngam ṙô ngam Tēv, Kūö ngam fālen yīö; ngam kahëtö yīö. Pōyen nup töngatī la-en yīö.

T. MĀKÖS 7:15

Öt hĕng tötlöökö tī tö nup lamöknyö latunyī nö i tarik. Nup lamöknyö latuhēt pöri nö i tarik tötlöökö tī töm tarik.

YERIMIĀ 25:2

Ngam ṙô ngam pròfĕt Yerimīā nö in yik tarik aṅ Yūtā nö ṙòkhöre yik aṅ Yērusalem inrē nö ṙòkhöre: