T. MĀKÖS 6:6 - TÖHET LĪPÖRE (Re-edited) Bible (BSI)

⁶ A Ngaich Anga-aṅ nö pingangkūö tö ötmikah cha. b Ngaich keuheūtkūö tuhēt Anga-aṅ, nö haköphöti.

T. MĀKÖS 6:6 Referans Kwoze

T. MËTIV 9:35

Keuheūt chahuhure ngaich Yēsū, nö i nup elpanam, tuhēt inrē. Haköphöti nö el chuök vine-eṅkūötēv, ahangkö ngam tölöök inhangkö ngam pūlngö; halanken nup töṙōlkangen vah töṙōlkangen ötkumlēḵ alaha inrē,

T. MËTIV 8:10

Hē Yēsū nö hāṅngö e, uṙeh ngaich Anga-aṅ; ngaich ngö ṙô tö yik tamömritre, “Tökô-ò ṙô Chin tö yīö, Öt kanôtuvökūö Chin tö töngatī mikah; hö-ö, öt i Israël.

T. LŪKÖS 13:22

Kiröönngöre Anga-aṅ ngaich lök i nup panam, tuhēt inrē, mumkahten; nöng kiröönngöre nö chuh Yerūsalem.

INLAHEN 10:38

Tö Yēsū aṅ Nāsaret, ngam tö hachāmö elkui tö ngam Tēv, tö ngam Töhet Fanöinylö, minhôiṅyö inrē. Ök kumröönköre nö la-evṙen tö tölöök, halanken yik taṙòkhöre töt hakôlöngṙô tö ngam sī-ö, pò ngam Tēv nö in Ò.

Isayā 59:16

Meuk törö-övö anga-aṅ tarik, ngaich pingangkūö tö törö-övö vamë-elkui: ngaich ap kël ò nö kētö minhôiṅyö ò, öp lanöökö ò inrē nö haköpka nö in ò.

T. YÔHAN 9:30

Ngaich ngö ṙô ök tarik, ngö sapṙô cha, Tötohhë ön ngih, tö yīö öi öt akahalōn tö ṙāngö Ò; ngaich yih Anga-aṅ nö löpnyökūö mat chu.

T. MËTIV 4:23

Keuheūt chahuhure Ang-Yēsū nö i Keleli, el chūök vine-eṅkūötēv cha, nö haköphöti, ane inrē mumkahten tö ngam tölöök inhangkö ngam pūlngö; halanken töṙōlkangen vah i yik tarik inrē.

YERIMIĀ 2:11

Haṙīkö tēv re aich ṙung vē pumnāmö tarik, nö pòrô anū-ö nö öt tēv? Ngaich pöri vē tarik chu nö haṙīngö lanöököre nö im töt kanôluṙô.

T. LŪKÖS 4:44

Ngaich mumkahten Anga-aṅ nö el chūök vine-eṅkūötēv nö i Këlelī.

T. LŪKÖS 4:31

Ngaich yihtöre Anga-aṅ nö i Kafarnahum, ök panam i Këlelī. Mumkahten cha ngaich Anga-aṅ, hē el töhet sakāmö.

T. MĀKÖS 1:39

Ngaich chuh el chūök vine-eṅkūötēv cha Anga-aṅ, nö keuheūt nö i Kelelī, mikahaten, ahōngö sī-ö inrē.

T. MĀKÖS 10:1

Choholre ngaich Anga-aṅ nö ṙā-ang in e; ngaich yihtöre nö i kūöngö Yūta, lāmuh tö Yôtön inrē. Ngaich maṙôngö yik yamihtöre nö in Ò nö hēk; ngaich sāre Anga-aṅ, nö haköpten cha nö hēk.