T. MĀKÖS 6:52 - TÖHET LĪPÖRE (Re-edited) Bible (BSI)

⁵² Pò cha nö öt akahalōn tö inlahen nuk ròtī; ngëḵngöre nuk ellōn cha.

T. MĀKÖS 6:52 Referans Kwoze

T. LŪKÖS 24:25

Ngaich ngö ṙô Anga-aṅ tö cha, Ō yī-ö tötakaha, tötka-eūyen ellōn öi ṙātö ellōnre i nup ṙô yik pròfĕt.

Isayā 63:17

Ō Mā Tēv, kūöyòh ömeh vī-i ih vāichö kū-ötö ngam talöökö meh öm öt hangëṅngö ellōn ih inrē, tö lökten ih öt pa-ekūö tö meh? Chö-öinytö tarik re man yēḵ havantöre, vē miyöngö yip amin meh.

T. MĀKÖS 16:14

Unôichngöre Anga-aṅ nö meūkö tö yik tö kahuksīön taka, hē cha nö ūichhak nö nyā; ngaich Anga-aṅ nö vëkö ötmikah cha, nganëḵeṅ ellōn cha inrē; pò cha nö öt ṙātö ellōnre tö ṙô yik mameūkan, unôichrit chanôhòl Ò.

RŌMA 11:7

Sitih pökeh? Ngam tö chöhöh tö Israĕl, öt teūngen anga-aṅ tö e; teūngen pöri yip tö katöllöng, ngaich hangë-engre yip chööḵ:

T. MĀKÖS 7:18

Ngaich ngö ṙô Anga-aṅ tö cha, Höng ngatī ötmikah el nang öi yī-ö inrē? Öt akaha elmat öi yih tö nup lamökhöt lātunyī nö i tarik, nö ötkô nö ötlöökö tī tö tarik?

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

T. YÔHAN 12:40

Tilupngö mat cha Anga-aṅ, hangëḵngö ellōn cha inrē; pòn sōtu nup mat cha nö meuk, sōtu nö akaha ellōn inrē, ngaich havöölökūöre; ngaich halanken cha Chū-ö.