T. MĀKÖS 6:48 - TÖHET LĪPÖRE (Re-edited) Bible (BSI)

⁴⁸ Ngaich meuk kanihngen cha Anga-aṅ, nö keūtöre; pò ngam kuföt nö asaha cha. Yihtöre ngaich Anga-aṅ nö in cha, nöng kiröönngöre nö el mai, ik finën heuh inahaṅti tö hatööm. Ngaich sā tö hòṅ chööḵngen cha Anga-aṅ.

T. MĀKÖS 6:48 Referans Kwoze

T. LŪKÖS 24:28

Ngaich röhta cha-a nö ik panam, ök chahuhu cha; ngaich Anga-aṅ nö sā tö hòṅ iṙuhöröön.

T. LŪKÖS 12:38

Ngaich yē ò min nö yih im innët heuh inahaṅti, im linūöyö inrē; ngaich nöng kôtökūö tö cha nö ngatī, tökôlò yip cha-a kūön.

NGAM LĪPÖRE YŌP 9:8

Ngam töng hēngö tī nö hanyāknyö ngam halīöngö, rööntö kui mahūvö ngam mai inrē;

T. YÔHAN 1:13

Yip töfötnyuvö, röön aṅ i mahām, öt rēhĕn nö lōn ngam alaha, öt rēhĕn nö lōn tarik; aṅ i ngam Tēv pöri.

T. MËTIV 14:24

Marô-òiny pöri ngam kupòk, ngaich kihngen tökūö ël mai; pòn asahah cha ngam kuföt.

Isayā 54:11

Ō me-eṅ töhakihtuṙen tö tasôka el chanôchö mai, töng öt inṙamkulōn inrē, yĕh meuk, ṙātö nup ihong meh chin min in nup töng lingūṅ elmat ihong, ṙātö chūök rööntö machööḵlö meh inrē in nup safīr.

Salmai 104:3

Ṙamātö minë mikeūnö minë urôhò re nö el minë mak: vamī minë taṙul nö inrölre; kumröönngöre, Öm i rōi sanëòk ngam kuföt;

Salmai 93:4

Tulöng ṙô tö töpōyen mak, në tökalēḵ mahūṅvö ngam mai: tökalēḵ An ngam Mā Tēv lātulöng.

1 SAMUĔL 11:11

Ngaich im huṙöich ang Sôl nö ṙāḵ yik tarik nö lūöi kiteūmö; yihtöre cha-a ngaich nö ellōn ök elyöngö im inahati tö peuheū, fël yik aṅ Amön ngaich hanöng saha ṙanāchlö ngam sakāmö: ngaich yip tö-ōtren tö cha nö parātiyö, ngaich lökten nö öt nët tak tö cha töṙa-āyö nö holre.

Ranehlö 32:26

Ngaich ngöṙô Angā-aṅ, Hökngen chu ngaich, tön ngaich ön nö hòṅ peuheū. Ngaich ngöṙô angā-aṅ, Hö-ö chin hòṅ hökngen Meh kiröönngöre, yē Meh öt hòṅ hakôlò chu.

Ranehlö 19:2

Ngaich ngöṙô anga-aṅ, Yĕh meuk, yī-ö mā chu, vë-ekūö yīö chin, havānghötre yin el patī ngòh kūönre, hĕng mitööm höngngöh, söich röönre, ka-euilökūö chōholre min, ngaich kiröönngöre iṙūöhöröön. Ngaich ngöṙô chā-a, Hö-ö, hòṅ hĕng mitööm in höngngöh el talöökö.

MANEUTNYI 14:24

Ngaich ngö inlahen tö peuheū i hôi tönët köiny ṙô tö tötafūöl köiny ṙô, ngam Mā Tēv nö ngëichtö kui yik aṅ Aikup nö löktö el kūö ök tameūyö taṙul inrē, ngaich öt kô-òtī tö yik kumyung aṅ Aikup.

T. MËTIV 24:43

Akahalōn pöri yī-ö tö ngih, yē ngam töpatī-ivö nö akahlōn tö ṙētak yanihih öp mu-ulāiyö; ngaich höngöre anga-aṅ, ngaich öt halöngngen öp patīre nö tiṙōli,

T. MĀKÖS 6:47

Aṙū ngaich nö hatööm, ngaich ngam kupòk nö ellōn ngam mai; höng hĕngtit taka Anga-aṅ nö el tanyô

T. MĀKÖS 6:49

Hē cha pöri nö meūkan nö kiröönngöre nö el mai; huḵa cha-a ngaich, pò Ò nö ma-alaha tö lōn cha;

T. MĀKÖS 13:35

Aṅhaṅti lökten; tön öt akahalōn yin tö hē yanihih ngam mā tö patī-ivö, yĕn chūöl hatööm yĕn ṙô hayöm yĕn peuheū;