T. MĀKÖS 6:41 - TÖHET LĪPÖRE (Re-edited) Bible (BSI)

⁴¹ Kēḵtam Anga-aṅ tö nuk tö taneui ròtī, nuk tö nët nòng kāḵ inrē; môklökūöre ngaich nö el halīöngö, ngaich hakôlò u Anga-aṅ; ngaich fòk nuk ròtī. Kē-ĕkūö yik haköptöre ngaich Anga-aṅ, nö ṙātö u nö i kūö cha, Katölö cha-a inrē tö Ò, nö ṙòkhöre, tö nuk tö nët nòng kāk.

T. MĀKÖS 6:41 Referans Kwoze

T. MËTIV 14:19

Ngaich Anga-aṅ nö tölṙô yik tömṙôngö nö ūichngöre nö i kui nuk kiyôp. Kēḵtam Anga-aṅ tö minë tö taneui ròtī, nö nët nòng kāḵ inrē; ngaich môklökūöre nö el halīöngö; ngaich ha-öiny ngam Tēv; tikāichö u ngaich; ngaich kētö u, nö i yik mahaköp; ngaich yik mahaköp, nö i yik tömaṙôngö tī.

T. MĀKÖS 7:34

Môklö kūöre el halīöngö, uhômlöre Anga-aṅ; ngaich ngö ṙô tö ò, Effata; ngam tö ngö, Löpnyökūöre yēḵ.

T. LŪKÖS 24:30

Ngaich hē Ò nö ūichngöre nö holkūö cha, nö nyā; kētam Anga-aṅ tö ròtī, ngaich hakôlò e, fòkhang ngaich nö kē-ĕkūö cha.

T. LŪKÖS 9:16

Kētam Anga-aṅ tö minë tö taneui ròtī, minë tönët nòng kāḵ inrē ngaich môklökūöre nö el halīöngö, hakôlò u Anga-aṅ; ngaich tikāchö u, ngaich kē-ĕti nö i yik mahaköp nö kē-ĕkūö yik tömaṙôngö.

1 SAMUĔL 9:13

Yē nā höng teunghë elpanam iṙūö chöhan panchö min, urēhĕkūö ò nö chuh ip tömarô-òl chūök chūökö nö nyā: pò yip tarik min nö öl nö nyā yĕn öl anga-aṅ nö yih, pò ò nö hakôlò ap tökētu; ngaich unôich cha-a nö nyā yip töhavëtu. Lökten nan ngaich kuṙòh; tön ngih ön ṙētak nā kôtökūö tö ò.

1 KÒRIN 10:31

Lökten yē yīö nya-aṅvkūö òk, hēk nup töng vahīken yīö, vīken u nö ṙòkhöre nö kanôlò ngam Tēv.

T. YÔHAN 17:1

Anū-ö në ṙô Yēsū; ngaich môklökūöre nö el halīöngö nö ngö ṙô, Kayöngö yih an ngam ṙētak. Hapōilö ngam Kūönre Man; hòṅ ngam Kūön nö hapōilen Meh.

T. YÔHAN 11:41

Ngaich cha-a nö kēḵngö ök ihong; ngaich môklökūöre Yēsū, nö ngö ṙô, Kayöngö; ha-öinyö Meh Chin, pò Meh hang ṙô Chu.

T. MĀKÖS 14:22

Ngaich hē cha nö nyā, kētam Anga-aṅ tö ròtī; keuheūthëṙen nö hakôlò e, ngaich fôkö e; ngaich kē-ĕkūö cha nö ngö ṙô, Euṅh, nyā-aṅ e yin; Alaha Chu an.

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

RŌMA 14:6

Ngòh mahaköpkö ngam sakāmö, haköpkö e nö im Mā: ngòh nyamā, im Mā nö nyā, pòn ha-öiny ngam Tēv anga-aṅ; ngaich anga-aṅ ngam töt nyamā, öt nyā nö im Mā, ngaich nöng ha-öiny ngam Tēv.

T. YÔHAN 6:23

(Yih pöri nuk kupòk nö ṙā-ang Tipĕriös röhta nö ik chūök cha nö nyā ròtī, unôichrit ngam Mā nö ha-öiny ngam Tēv.)

T. YÔHAN 6:11

Kēḵ minë ròtī ngaich Yēsū, keuheūthëṙô ngaich nö ha-öiny ngam Tēv, ngaich katölhökūö cha yik tö ūichhaka, i ṙôken lōn cha.

T. MËTIV 26:26

Ngaich hē cha nö nyā kēḵ ròtī ang Yēsū; hakôlò e ngaich, ngaich fôkö e; ngaich ngö ṙô Anga-aṅ, nö kē-ĕkūö yik mahaköp, Euṅh nya-aṅ e; alaha Chu an.

T. MËTIV 15:36

Kētam Anga-aṅ tö nuk tö sat ròtī, nuk kāḵ inrē; ngaich ha-öiny ngam Tēv; fòkngö u ngaich, ngaich kētö u nö yik mahaköp; ngaich yik mahaköp nö i yik tömaṙôngö tī.

I. CHÖNGÖ 8:10

Nyā-aṅvkūö min më-eṅ ngaich tööḵngen, ngaich hakôlò ngam Tēv re ngam Mā Tēv tökūö ngam tölöök panam ngam kakëtö ò nö in meh.

INLAHEN 27:35

Keuheūthëṙô anga-aṅ tö e; ngaich kēḵ ròti, ngaich ha-öiny ngam Tēv nö i kūö cha nö ṙòkhöre; fôkö e ngaich, ngaich kētöre nö nyā.

T. MĀKÖS 6:40

Ngaich hatöökö cha-a nö ha-ūchi, hēngòng, taneui anāi inrē, i töhĕng kiteūm.

T. MĀKÖS 6:42

Ṙòkhöre cha-a ngaich nö nyā; ngaich tööḵngen.

T. MĀKÖS 8:19

Hē chu fòk nuk tö taneui ròtī nyā-aṅ yik tö taneui köṅny, ngaich ām kumvôkö nuk linreūkö nö chāpö tö yīö? Ngaich ngö ṙô cha-a tö Ò, Nët sīön.