34 Yôkti ngaich Anga-aṅ, ngaich meuk yik tömaṙôngö. Aṙē-ĕlōn ngaich Anga-aṅ tö cha; pò cha nöng sā pököre tötyōmuvö. Kaknyöre ngaich Anga-aṅ nö marô-òtô nö haköpten cha.
Hē Ò pöri nö meuk yik tömaṙôngö, ngaich aṙē-ĕlōn Anga-aṅ tö cha; pò cha nö ötkôlò, parāta inrē, sā pököre töt yōmu.
Öp mu-urēhĕkūö cha nö kunyī-inyre, öp mu-urēhĕkūö cha inrē nö kuhēthötre, öp kamëhötnen cha inrē; hòṅ vē ṙôngö tarik ngam Mā Tēv nö öt sā sīṅp töt yōmuṙen.
Akaha lōn pöri yik tömaṙôngö ngaich tömrit Ò; ha-öinytu yanihi cha-a ngaich tö Ò; ngaich vënyu nang cha-a tö ngam pūlngö ngam Tēv, ngaich yik tö hòṅ halankaṙen, nö halankaṙen tö Ò.
Pò nup tēraf nö minyôiy-aṅ ṙô, yip chamòng alaha inrē nö meuk minyôiny-aṅ; mi-nyôiny-aṅ ṙô cha-a inrē nö vë-eny heūvö, chök alaha ṙô nö haṙamlōn: lökten cha nö kiröönngöre nö el talöö-köre nö sā sīṅp, kihten cha-a, pòn öt yōm pökörevö umuh.
Pököre yip tarik chu töchatngen; hökiṙen nup tö yip yōm re nö lō-ongkūö, hachō-oikūö nup nö i kui rôngö; ngaich nuk nö lök kui ṙôngö rung inrē, vaichngö nuk nö ngaich tö kinlōngöre.
Ngaich ngö ṙô anga-aṅ, Meūkö Israĕl chin nö ṙòkhöre nö parāti nö i kui minë rôngö, sā sīṅp töt yōmuṙen; ngaich ngö ṙô ngam Mā Tēv, Rö-ö yin vē nö töyönguṙen; hökngen cha nö köhavan nö i patīre im kumchikṙen.
Ngö ṙô ngaich anga-aṅ, Meūkö Israĕl chin öp tö parāta i kui minë rôngö, sā sīṅp töt yamūmuvö: ngaich ngö ṙô ngam Mā Tēv Rö-ö yin vē nö töyōmu; hökngen cha nö kö havantöre nö i patī re im kumchikṙen.
Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.
Yihtöre ngaich Anga-aṅ, ngaich meuk yik tömaṙôngö. Ngaich aṙĕ-ĕlōn tö cha, halanken yik tövahav in cha ngaich.
Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.
Havë-eti Yēsū tö yik mahaköp nö in Ò; ngaich ngö ṙô, Aheūkölōn Chin tö vē tarik, pò cha nö ngaich nö lūöi sumkam nöngngöh nö in Chu; ngaich rö-ö nö nya-aṅvkūö. Öt hòṅ tīnngen cha Chū-ö, nöng öt nya-aṅvkūö; pò cha min nö aheuk nö el talöökö.
Ngaich ngö inlahen angū-ö min, nö sā töt hamūlö tö tarik, cha-a min nö kö kö havööngökūö tarik nö in yip tarik ò, kö falngöre inrē min tarik nö i panam re.
Lökten u nö parātiyö, pòn öt yōm pökörevö umuh; ngaich kētöre anū-ö nö nyā-aṅkūö nup tö tainy aṅ el inchōn.
Ngaich yik tarik nö meuk chanuhu cha; maṙôngö yik tö-akahalōn inrē. Ngaich cha-a nöng fal nö kiröön, ṙā-ang i nup panam; ngaich urĕh tö cha.
Ngaich ngam sakāmö nö hòṅ harap; yihtöre ngaich yik haköptö Ò nö in Ò, ngaich ngö ṙô, El-inchōnngö ön ngih chūökö; ngaich ngam sakāmö nö hòṅ harap.
Hē u anū-ö sakāmö, hē yik tömaṙôngö tarik nö hēk, ngaich cha-a nö öt īnu tö nya-aṅkūö; havë-eti Anga-aṅ tö yik haköptöre nö in Ò; ngaich ngö ṙô tö cha;
Aṙē-ĕlōn Chin tö vē tarik; pò cha nö ngaich nö lūöi sumkam nö in Chu, ngaich nöng öt nya-aṅvkūö töngamuh.