T. MĀKÖS 6:30 - TÖHET LĪPÖRE (Re-edited) Bible (BSI)

³⁰ Hamūlöre ngaich yik tanīnöṙô, ngaich yihtöre nö in Yēsū; ngaich keuheūtnyöre ṙô nö ve-eny nang Ò, tö nuk tī cha, tö nuk ṙô cha inrē nö haköphöti.

T. MĀKÖS 6:30 Referans Kwoze

T. LŪKÖS 9:10

Ngaich yik tanīnöṙô, tö invantöre, nö vë-eny nang Ò tö nuk tö ngaich ngen la-en re kē-ĕyö ngaich cha-a tö Ò, nö ṙuhöyö nö ip panam Petsĕitā.

T. MËTIV 10:2

Në nun minënyö yik tönëtsīön tak tanīnöṙô, Sīmōn ök raneh, ök tö Pītör invëka; Antaru inrē, ök kahëm ò; Yāköp ök kūön Sepeti, Yôhan inrē ök kahëm ò;

T. LŪKÖS 22:14

Chalôḵ ngaich ngam ṙētaka; ūichngöre Anga-aṅ ngaich, nö holtö yik tanīnöṙô.

T. LŪKÖS 17:5

Ngaich ngö ṙô yik tanīnöṙô tö ngam Mā, Ṙuöhlö mikah ih Man.

T. LŪKÖS 10:17

Holtö ṙanāmölōnre yik tö sat anāi nö havantöre; ngaich ngö ṙô cha-a, Mā; uroh yip sī-ö nö hang ṙô ih, i Mine-eny Meh.

INLAHEN 1:26

Ngaich cha-a nö kalah taneūngen; ngaich Mātī nö teūngen; ngaich kaheuktu anga-aṅ nö i yik tö kahuk sīön tak tanīnöṙô.

T. LŪKÖS 24:10

Hēḵ Mariā Mektelīn, Yôhana, ane inrē Mariā ök yöng Yāköp; yik tahëng taka inrē kikānö hol cha; nö ve-eny u nö i yik tanīnöṙô.

T. LŪKÖS 6:13

Peuheū-eulre angu-ö: havë-eti Anga-aṅ tö yik mahaköp; ngaich nët sīön taka katöllö Anga-aṅ, tö yik tö kaheūkö tö Ò, nö tanīnöṙô,

T. MĀKÖS 3:14

Ngaich nët sīön tak vahī-il Anga-aṅ, tö yik tökaheūkö tö Ò nö tanīnöṙô; nö hamòl Ò cha-a, tötīni inrē nö mumkahten.

T. MĀKÖS 6:29

Ngaich hē yik haköptö ò nö hāngö e, yihtöre cha-a ngaich, nö kēḵ ök alaha ò; ngaich ulngö e.

Ranehlö 24:66

Ngaich ök mahalanṙen nö vë-eny nang Isāk nö keuheūtnyöre ṙô tö inlahen tīre.