T. MĀKÖS 6:3 - TÖHET LĪPÖRE (Re-edited) Bible (BSI)

³ Röh Ang nö ngòh töhuveū nö vī chōn ngòh kūön Mariā, mëm Yāköp, Yūtā, Sīmōn inrē? Röh yip kanānö Ò nö hol hī nö ihih? Ngaich cha-a nö ötmiṙūötṙen tö Ò.

T. MĀKÖS 6:3 Referans Kwoze

T. MËTIV 12:46

Ṙònghöichṙô Anga-aṅ nö i yik tömaṙôngö, ngaich höng sökhaka ök yöng Ò kikānö, tö yik kahëm Ò inrē, nö lā uk; lukkenre nö hòṅ ve-ekūö Ò.

T. YÔHAN 6:42

Ngaich ngö ṙô cha-a, Röh Ang ngòh nö Yēsū, nö Kūön Yôsĕf; akahakūö in tö nap Yöng Ò? Sitih Ang nö ngö ṙô, Yônti Chin, ṙā-ang el halīöngö?

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

KALATĪ 1:19

Hö-ö pöri chu-ö meuk yip tahëng tanīnöṙô, höng Yāköp ök kisānö ngam Mā.

T. MËTIV 11:6

Tökôlò ön ngòh tötsamökngöre töpòkūö Chu.”

INLAHEN 1:13

Ngaich hē cha nö yih, yòhlö cha-a ngaich nö el öp lātulöng urôhò, i chūök cha nö höngngöh, hēḵ Pītör, Yôhan, Yāköp, Antaru, Filip, Tômös, Partòlòmai, Mëtiv, Yāköp ök kūön Alfāi, Sīmōn Sēlòt Yūtā inrē ök kūön Yāköp.

T. MĀKÖS 15:40

Kikānö yik umuh inrē, töng marôvat nö meuk; in cha hēḵ Mariā aṅ Mektelā, Mariā ök yöng Yāköp tökūöṅnö, yöng Yôsĕs inrē, hēḵ Salōmī.

1 KÒRIN 1:23

Ahangken, Kristū pöri īhö nö harātu, vanāichö i yip Yahūti, kumlō-ov inrē i yip Tahëng mihëṅṙö;

T. YÔHAN 14:22

Ngö ṙô ang Yūtā tö Ò, (rö-ö nö Iskaryöt,) Mā; Sitih Öm höng in ih hameuktöre, ngaich rö-ö ing panam?

T. LŪKÖS 7:23

Tökôlò ön ngòh töt uhā-alōn nö in Chu.

T. LŪKÖS 2:34

Ngaich ang Sumōn nö hakôlò cha; ngö ṙô an tö Mariā ök yöng Ò, Yĕh meuk ngòh nyīö nö töhōtu nö lökngen fanukngö ane inrē löklen chanôhòl i yip tömaṙôngö i Isarĕl; ane inrē minkahngö nö tö sōḵovö;

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

1 PĪTÖR 2:4

Yī-ö töyihiv, tö-aṅ ihong, kô-òngrit nö tösōḵov tö tarik, i yip katöllö ngam Tēv pöri, nö töpōi ṙāi,

1 KÒRIN 9:4

Öt huveū-en öi ihö kanahnguṙen nya-aṅvkūö, òk inrē?

T. MĀKÖS 3:18

Antaru, Filip, Partòlòmai, Mëtiv, Tòmös, Yāköp ök kūön Alfai, Tattai, Sīmōn aṅ Kēnen.

INLAHEN 12:17

Aṅtī tö eltīre pöri anga-aṅ nö tahngö ṙô cha; ve-eny nang cha ngaich tö tī ngam Tēv nö kēḵnyen ò nö ṙā-ang el kinlōngö. Ngaich ngö ṙô anga-aṅ tö cha, Ve-eny nang Yāköp tö u, yip hol hī inrē. Kiröönngöre ngaich anga-aṅ, nö chuh tahëng panam.

T. LŪKÖS 8:20

Ngaich ngö vine-eny nang Anga-aṅ, Höng sökhak ap yöng Meh kikānö, yip hanöngkisānö Meh inrē nöng lā-uk, nö hòṅ meukkūö Meh.