T. MĀKÖS 6:21 - TÖHET LĪPÖRE (Re-edited) Bible (BSI)

²¹ Ngaich ik hē sakāmö nö sölta, ang Hērôt nö ha-aṅhaṅl yik mā, ik hēnyöre sakāmö, yik yöngṙen kumyung, yik yöngṙen inrē aṅ Kelelī.

T. MĀKÖS 6:21 Referans Kwoze

ESTÖR 2:18

Ngaich ök rācha nö kētö tökiröng nyinā-aṅ in yik kūön rācha nö ṙòkhöre tö yik tarik ò inrē tī Estör an ngam nyinā-aṅ. Ngaich anga-aṅ inrē nö ṙālö masūl nö i nuk panam, kētö raneushö inrē nö chuhēṙen tī.

Ranehlö 40:20

Ngaich ngö inlahen, im linūöi sumkam, ngam sakāmö finötnyö Fërō, tö ò nö vī nyā-aṅkūö yik tarikre nö ṙòkhöre: ngaich hachohlö kui ök yöngkūö yōm nyā-aṅkūö angā-aṅ, ök yöng kūö vamī rôtī inrē nö i yik tarik ò.

INMEUKHÖMAT 11:10

Ngaich cha-a yip mī-iyöng kūö ngam panam nö kuchīkölōn tö cha, ngaich nö ṙāmölōn inrē; ngaich cha-a min nö kö söömngö inlōnti nö in höö; pò pròfĕt nö öthakôlò yip mī-iyöng kūö ngih panam.

1 PĪTÖR 4:3

Pòn ngāichö rô-òten ngam linöökö lōn yip Tahëng mihëṅṙö nö ngaich, öi lök i yanālö tö tötlööklōn, yinikhanga, hinyōyö, inpōho tö nya-aṅ, inpōho tö ka-eūt, vine-eṅkūö nup sin-òkkūö insātēv inrē:

T. LŪKÖS 3:1

Im tinneui sīö samyeūheu Tipērias Kaisöör nö hayöng, vīlöngö ang Pòntiös Pailĕt nö mākūö Yūtā, ang Hēròt inrē kun rācha Këlelī, ök kahëm ò inrē Filip kun rācha Itūriā ane inrē Trakônītis, ang Lusaniās inrē kun rācha Apilēnī.

HŌSĪ 7:5

Hē sakāmö ök rācha, yik kūön rācha nö vīngenre nö vahavö tökūö kumlēḵ vāin; hateutnyö kël re anga-aṅ nö holtö mināichṙen.

ESTÖR 3:7

Ik raneh chingëṅt, ngam Nīsan chingëṅt, im innët sīön samyeūheu ök rācha Ahāsurös ngaich cha-a chaphöt Pur, öp kinlah taneūngen, nö i kūö Haman kaheuk sakāmö; chaphöt e cha-a inrē nö kaheuk chingëṅt hanöng saha ngam innët sīönö chingëṅt Atör.

Ranehlö 27:41

Ngaich Isô nö kunyāha elmat tö Yāköp, kūö ök inkôlò tī ök kikōnyö yöng ò nö hakôlò ò: ngaich Isô nöng ellōnre ṙô nö ngö, Röhta nup sakāmö miṙivlōn tö öp kikōnyö yöng chu; ngaich möl min chū-ö fëlngö öp kahëmre Yāköp.

INLAHEN 25:23

Ngaich im huṙöich, nāṅ Akrippā, nāṅ Pörnikē nö yih, nö holtö kanôlò, holtö yik mākūö kumyung, yik mā tarik inrē aṅ ik panam; kuhēthötre nö el ök chūök hamang; ngaich i chöngö Festös, ang Pôl nö kētu.