T. MĀKÖS 6:20 - TÖHET LĪPÖRE (Re-edited) Bible (BSI)

²⁰ Pò Hērôt nö pa-ekūö tö Yôhan; pòn akahalōn tö ò nö tölöök, töhet inrē, nö tarik; ngaich nöng lākan. Ngaich hē ò nö hang ṙô ò, ngaich ṙamölōn nöng hang ṙô ò.

T. MĀKÖS 6:20 Referans Kwoze

T. MËTIV 21:26

Yē hī pöri min ngö ṙô, Aṅ i tarik; pa-ekūö ayī-ö tö vē tömaṙôngö, pò cha nö ṙòkhöre lōn tö Yôhan nö pròfĕt.

T. MËTIV 14:5

Hòṅ kumpahan lang anga-aṅ; ngaich pa-ekūö tö yik tömaṙôngö pò ò nö pròfĕt, tö lōn cha.

T. YÔHAN 5:35

Anga-aṅ ap ëāṅvö tö hū, yang inrē; ngaich yī-ö sin ṙāmölōn rahëchtaṙen hōḵ im yanāngö ò.

T. MĀKÖS 11:18

Ngaich yik mākūö kūönṙô yik kamūich inrē, nö hāngö e; ngaich lukkö inlahenre cha-a nö fëlngen Ò. Pòn pa-ekūö cha-a tö Ò; pòn ṙòkhöre yik tömaṙôngö nö pingangkūö tök ṙô Ò inköphöti.

T. MĀKÖS 4:16

Ngatī yin vē tö teūichtuvö inrē nö i kui ihong, vē hamang ngam ṙô, ngaich ilööṙen nö holtö ṙanāmölōn nö hōḵo e.

TANĪ-ĔL 5:17

I kūö ök rācha ngaich ang Tanīĕl nö sapṙô, Hökngen nup raneushö yēḵ nöng raneushö meh, nup ṙëhe lumrāḵ inrē nö löö ip tahëng nö kētu; höng vë-ekūö ngam tökūichö pöri chu-ö min im rācha mikahtölōn ò inrē tö manah e.

TANĪ-ĔL 4:27

Ō rācha, lökten man hō-o ngaich inlēnö meh tö chu; litòk nup tökööl lökten in inrūnöre i lanöökö, nup öt kanöölö meh inrē lökten i inmeuktö miṙēlōn i töhakihtuṙen, hòṅ e nö amāhaiṙen nö ṙūötu rô-òten ngam lanāmö meh.

TANĪ-ĔL 4:18

Meūkö öng ngih heūvö tö chu, chu-ö rācha Nēpukatnēsar. Vënyö öp manah e me-eṅ, Ō Peltasar, kūö yip tö-akaha tarik nö ṙòkhöre i ngam pūlngö chu nö ötkô nö mikahtölōn chu tö manah e, kô pöri me-eṅ, pò ngam ma-alaha yip töhet tēv nö in meh.

ISIKĪ-ĔL 33:32

Ngaich, yĕh meuk, ngaich me-eṅ in cha sā öp töhĕng tak tumköknyö hanāngenlōn tinkökö tövāyöṙô vāyö tī inrē nö röng, pò cha nö hang öp ṙô meh hö-ö pöri min cha-a nö kēken e.

2 KINṘÖTNGÖ 26:5

Kētöre anga-aṅ nö chöh ngam Tēv hē nuk sakāmö Sakariyā, ök mahaköpten ò nö pa-ekūö tö ngam Tēv; ngaich irô-òten ò nö chöh ngam Mā Tēv, kôlò anga-aṅ ngaich tö tī ngam Tēv.

2 KINṘÖTNGÖ 24:2

Chīpö la-en ang Yô-as nö i kūö ngam Mā Tēv irô-òtö sakāmö Yēhōyata ök kūönṙô

2 RĀCHA 13:14

Vahavö ngaich ang Ēlaisa tök invah lökngen ò nö kapah: yihtöre ngaich ök rācha aṅ Israĕl ang Yēhōas nö in ò, ngaich peuinyhö kūö ò, nö ngö ṙô, Yöng chu, Yöng chu! Inröl aṅ Israĕl aṅ uk kōra tarik inrē!

2 RĀCHA 6:21

Ngaich ngö ṙô ök rācha aṅ Israĕl tö Ēlaisa, hē ò nö meūkö cha, Kayöngö, fëlö cha öichu? Fëlö cha öichu?

1 RĀCHA 21:20

Ngaich ngö ṙô Ahap tö Ĕlaicha, Kôtökūö öm tö chu, Ō më-eṅ tökunyaha elmat tö chu? Ngaich sap ṙô ò anga-aṅ, Kôtökūö chin tö meh: pò meh inyihngöre öm la-evṙen tö tötlöök i kūö ngam Mā Tēv.

MANEUTNYI 11:3

Ngaich ngam Mā Tēv nö kētö neukhö yik tarik nö i kūö yik aṅ Aikup. Ngaich inrē ngam tarik Môsös nö tökiröng nö im panam Aikup, nö i kūö yik kūön alaha Fërō i kūö yik tarik inrē.

INLAHEN 2:12

Ṙòkhöre cha-a nö ureh, öt akahalōn inrē; ngö ṙô cha-a tö höö, Asuh öng ngih töngatī?

INLAHEN 5:24

Ngaich hē ök yōm ngam töhet chūök, tö yik mākūö kūönṙô inrē, nö hang minë ṙô; pōihangen öt mikahlōn cha-a ngaich tö cha, töp lökngö e.