T. MĀKÖS 6:2 - TÖHET LĪPÖRE (Re-edited) Bible (BSI)

² Chalô ngaich ngam töhet sakāmö, ngaich haköphöti Anga-aṅ nö el chūök vine-eṅkūötēv. Ngaich maṙôngö yik töpingangkūö, hamang; ngö ṙô cha-a, Aṅ yih ön në i ngòh tarik? Asuh öng ngam mikah, tö kētu nö in Ò? Në töngati minhôiṅyö inrē la-en, kahëken Ò?

T. MĀKÖS 6:2 Referans Kwoze

T. YÔHAN 6:42

Ngaich ngö ṙô cha-a, Röh Ang ngòh nö Yēsū, nö Kūön Yôsĕf; akahakūö in tö nap Yöng Ò? Sitih Ang nö ngö ṙô, Yônti Chin, ṙā-ang el halīöngö?

T. YÔHAN 7:15

Ngaich pingang kūö yik Yahūti, ngö ṙô cha-a, Sitih huneū-euṅ ṙô Ang ngòh Tarik, nöng töt mahaköp?

T. MËTIV 4:23

Keuheūt chahuhure Ang-Yēsū nö i Keleli, el chūök vine-eṅkūötēv cha, nö haköphöti, ane inrē mumkahten tö ngam tölöök inhangkö ngam pūlngö; halanken töṙōlkangen vah i yik tarik inrē.

T. MËTIV 7:28

He kinheūṅtö në ṙô Yēsū, ngaich pingangkūö yik tömaṙôngö, tö nuk ṙô Ò, nö haköphöti.

T. LŪKÖS 4:15

Mumkahten Anga-aṅ ngaich nö el chūök cha nö ve-ekūötēv, ngaich hakūyiṙen tö taṙòkhöre.

T. MĀKÖS 1:39

Ngaich chuh el chūök vine-eṅkūötēv cha Anga-aṅ, nö keuheūt nö i Kelelī, mikahaten, ahōngö sī-ö inrē.

T. MĀKÖS 10:1

Choholre ngaich Anga-aṅ nö ṙā-ang in e; ngaich yihtöre nö i kūöngö Yūta, lāmuh tö Yôtön inrē. Ngaich maṙôngö yik yamihtöre nö in Ò nö hēk; ngaich sāre Anga-aṅ, nö haköpten cha nö hēk.

T. LŪKÖS 2:47

Ngaich yik hamangṙô Ò nö pingangkūö tö mikah Ò, ane inrē huneū-euṅ ṙô Ò nö sapṙô.