T. MĀKÖS 6:15 - TÖHET LĪPÖRE (Re-edited) Bible (BSI)

¹⁵ Ngö ṙô pöri yik tahëng, Ēlaicha An; Pròfĕt An, ngö yik tahëng; töhĕng tak aṅ i yik pròfĕt.

T. MĀKÖS 6:15 Referans Kwoze

T. MËTIV 21:11

Ngaich yik tömaṙôngö nö ngö ṙô, Ngòh pròfĕt Ön, Yēsū, ṙamā-ang Nāseret i Kelelī.

T. MĀKÖS 8:28

Ngaich ngö ṙô cha-a tö Ò, Yôhan ap Vamôk, Ēlaicha, ngö yip inrē; Tö hĕng tak aṅ i yik pròfĕt, ngö yip tahëng.

T. MËTIV 16:14

Ngaich ngö ṙô cha-a, Rēvre yip tö ngö ṙô, Yôhan öp Vamôk, rēvre tö Ēlaicha ngö; Yarimiā ngö yip tahëng; hēk yip tahëng tak. Aṅ i yik pròfĕt, ngö.

MALAKI 4:5

Yĕh meuk, tīnten Ēlīyā chin in yīö ngam pròfĕt urēhĕkūö ngam tökiröng pinhë-eṅkūö sakāmö ngam Mā Tēv nö yih.

T. YÔHAN 9:17

Ngaich cha-a nö kö harīkngöre lōn. Lökten cha nö ngö ṙô nö hēk, tök tötmeuk sin tarīk, Sitih ṙô öm me-eṅ tö Ò, i tī Ò nö löpnyökūö mat meh? Ngaich ngö ṙô anga-aṅ Lohten Öp nö pròfĕt.

T. YÔHAN 7:40

Rēvre yik tömaṙôngö tö ngö ṙô, hē cha nö hang në ṙô; Kô Ön ngòh nö ngam pròfĕt.

T. YÔHAN 6:14

Ngaich hē më tarik nö meuk ngam minkahngö tī Ò, ngö ṙô cha-a, Kô ön ngòh nö pròfĕt, ngòh yamih nö ing panam.

T. YÔHAN 1:25

Ngaich hatönan cha-a, nö ngö ṙô tö ò, Kūöyòh pömri me-eṅ vōk, yĕm öt Kristū, öt rēhĕn öm Ēlaicha, öt rēhĕn öm ngam pròfĕt?

T. YÔHAN 1:21

Ngaich hatönan cha-a nö ngö ṙô, Asuh pöri? Ēlaicha ömeh? Ngaich ngö ṙô anga-aṅ, Hö-ö chin. Ngam pròfĕt öm me-eṅ? Hö-ö, ngö anga-aṅ nö sapṙô cha.

T. LŪKÖS 9:19

Ngaich ngö ṙô cha-a, nö sapṙô Ò, Yôhan Öp Vamôk; rēvre pöri yip tö ngö ṙô, Ēlaicha; hēk yip tahëng tö ngö ṙô, Hĕng taka ap aṅ i yip höteh pròfĕt, mahavanlöre.

T. LŪKÖS 9:8

Rēvre töng ṙô, tö Ēlaicha nö meūkö; rēvre yik tahëng tö ngö ṙô, Hĕng taka An aṅ i yip höteh pròfĕt mahavanlöre.

T. LŪKÖS 7:39

Ngaich hē ngam Feresī nö meūkö e, ngam mahavëken Ò, ngaich ngö ṙô anga-aṅ, nöng in re ṙô, Yē ngòh tarik öre nö pròfĕt, ngaich kô-òren nö akahalōn tö inlahen ngam kikānö, ngam lamūölken Ò, nö tököölö fālen.

T. LŪKÖS 7:16

Ngaich pa-ekūö yik tömaṙôngö; ngaich ngö ṙô cha-a nö ha-öiny ngam Tēv, Hĕng taka ön ngòh yöng pròfĕt mi-in hī; meukṙen vē tarikre An ngam Tēv.

T. LŪKÖS 1:17

Lök kūö ngam Tēv ap min, nö sā inlahen Ēliya, im fanöinylö, im kanô-òṅ inrē; nö havantö ellōn yip yöng nö i yip nyīö, ane inrē yip tö-akaha; nö halēnken vē tarik, pòkūö ngam Mā Tēv.

T. MĀKÖS 6:16

Hē Hērôt pöri nö hang, ngaich ngö ṙô. Choholre ap Yôhan nö hēk, ök rahökngö likeun chu.