T. MĀKÖS 6:12 - TÖHET LĪPÖRE (Re-edited) Bible (BSI)

¹² Ngaich kiröönngöre cha-a; ngaich haköptö tarik nö havöötö ellōnre.

T. MĀKÖS 6:12 Referans Kwoze

T. MËTIV 4:17

Hēten tö e, Yēsū nö rĕhtenre nö mikahaten, nö ngö ṙô, “Havöötö ellōnre yin; tön röhta an ngam pūlngö ngam halīöngö.”

INLAHEN 20:21

Hameukhömat yip Yahūti chin, Tahëng Mihëṅṙö inrē tö ngam invöötö ellōn tökū-ötö im Tēv, ngam mikah inrē im Mā hī, Yēsū Kristū.

INLAHEN 11:18

Ngaich hē cha nö hāngö u, ṙangôre cha-a nö ngö ṙô, Ngaich Ang chĕi ngam Tēv nö kē-ĕkūö vē Tahëng mihëṅṙö tö invöötö ellōm im nômö.

INLAHEN 2:38

Ngaich ngö ṙô Pītör tö cha. Havöötö ellōnre yin vōkö inrē, yī-ö ṙòkhöre, i Minë-eny Yēsū Kristū, nö inṙēlö nup tökööl yīö, ngaich yī-ö min teūngen tö ngam inlōnti aṅ i ngam Töhet Fanöinylö.

T. LŪKÖS 13:3

Ve-enynang yīö Chin, Rö-övö; yē yīö öt havöötö ellōnre, ngati ötkanôlò yin min yī-ö.

T. LŪKÖS 11:32

Sök löre min yip tarik aṅ Ninēvē nö hol ngih tūmö, ngaich öthakôlò e min; pò cha nö havöötö ellōnre nö i ṙô Yôna nö mumkahten; yĕh meuk, ngòh ihih tömööḵlö ṙôkö tö Yôna.

T. MËTIV 3:8

Hökngen nup inlahen yīö yēḵ, nö hameuktö invöötö ellōn yīö.

T. MËTIV 3:2

Havöötö ellōnre yin; tön röhta an ngam pūlnga ngam halīöngö.”

ISIKĪ-ĔL 18:30

Lökten chin hòṅ akah fālen yīö, Ō patī Israel, kö asā nup talöökö ò ngòh töhĕng tak, ṙô ngam Mā Tēv. Havöötö ellōnre havööngökūöre inrē ṙā-ang i nup ötlanöökö yīö, hòṅ ngam tökööl nö öt lāinyngen öt kanôlò yiö.

INLAHEN 26:20

Ngaich öich ahangkö yip aṅ Tāmāskös urĕh, i Yerūsalem, keuheūtngöre chūök i panam Yūtā, i yip Tahëng Mihëṅṙö inrē; hòṅ cha nö havöötö ellōnre, havöötö kūöre inrē nö im Tēv; la-evṙen inrē tö nup la-en invöötö ellōn.

INLAHEN 3:19

Lökten yin havöötö ellōnre, havantöre inrē; hòṅ nup tökööl yīö nö sīchiyö, hòn ṙāngö i kūö ngam Mā Tēv nö yih öp ṙētak munfōvö.

T. LŪKÖS 24:47

Ngaich hōtu invöötö ellōn, inṙē-ĕl tökööl inrē nö mumkahtuṙen nö i Mine-eny Ò, i vē taṙòkhöre tarik, urĕh nö i Yerūsalem.

T. LŪKÖS 15:10

Ngö ṙô chin tö yīö ngati ap ṙanāmölōn i kūö yip ma-ahānga ngam Tēv, i ngòh tö hĕng tak tököölö fālen mahavöötö-ellōnre.

T. LŪKÖS 15:7

Ngö ṙô chin tö yīö, Ngatī ṙanāmölōn min nö el halīöngö i ngòh töhĕng taka tököölö fālen, mahavöötö ellōnre; mööḵlö tö yip tö machūötör anāi machūötör tölöök tarik, yip tö rö-öv nö hòṅ havöötö ellōnre.

T. LŪKÖS 13:5

Ve-enynang yīö Chin, Rö-övö, yē yīö öt havöötö ellōnre, ngatī ötkanôlò yin min yī-ö.

T. MĀKÖS 1:15

Nö ngö ṙô, Ngaich an ngam ṙētak nö teungta; röhta an ngam pūlngö ngam Tēv. Havöötö ellōnre yin; ṙātö ellōnre im tölöök inhānga.

T. MËTIV 11:20

Kaknyöre Anga-aṅ nö vëkö nup panam, i chūök nuk minhôiṅyö la-en Ò nö ngaichngen; pò cha nö öhavöötö ellōnre.

T. MËTIV 9:13

Kuṙòh, kiröönngöre yin, haköp manah ngih, ‘Hōtö neūkölōn Chin; rö-ö tö tökētuvö. Pò Chu ngaich yih, öt mahavëkö tölöök, tököölö fālen pöri nö havöötö ellōnre.”

T. LŪKÖS 9:6

Kiröönngöre cha-a, ngaich lök i nup tuhēt, mumkahten tö ngam tölöök inhānga, ane inrē keuheūt chūökre nö halanken tövahavö.

T. MĀKÖS 1:3

Hĕng tak ṙô ap hamūḵa nö el-inchōn, Halēnkö talöökö ngam Mā Tēv yin; hachipkö kanröönö Ò.

T. MËTIV 11:1

Keuheuthëṙô Ang Yēsū nö tölṙô yik tönëtsīön tak mahaköp; kiröönngöre ngaich Anga-aṅ nö haköphöti, mumkahaten inrē nö i nup panam cha.