T. MĀKÖS 6:11 - TÖHET LĪPÖRE (Re-edited) Bible (BSI)

¹¹ Ngaich yē chūök yip töthamôḵen yīö, yip töthamang ṙô yīö inrē; yē yīö pöchö kiröönngöre, ṙāngö e, pitōngngö pitung röönre yī-ö, nö minkahngö cha.

T. MĀKÖS 6:11 Referans Kwoze

INLAHEN 18:6

Hē cha nö lā-alkūö ò, miyëḵṙô inrē, piyònglö hilāre ngaich Pôl; ngaich ngö ṙô tö cha, Pòkūöre yin ötkôlò, öt pô-òvkūö chin chu-ö; töngamuhöten chin ngaich chuh i yip Tahëng Mihëṅṙö.

NAHIMIĀ 5:13

Piyònglö takeun re chū-ö inrē ngaich ngö ṙô, Ngatī tī an yēḵ ngam Tēv nö kö piyòngngö tarik nö ṙā-ang i patī re, ṙā-ang i la-en re inrē öp töt mahateungngö ngih kinlēḵngô. Hòṅ ò nö ngatī nö piyôngi ngaich öt aṅhav. Ṙòkhöre ṙô ngaich yik tömaṙôngö nö ngö ṙô Āmen ngaich ha-öiny ngam Mā Tēv. Ngaich yik tarik nö la-evṙen asā ök kinlēḵngô.

NGAM LĪPÖRE KAHŪICH YŪT 1:7

Hòṅ fēḵlen yīö chin inrē tö Sôtòm, Kômòra, nuk ranghö u inrē panam, yik kamëḵngöre nö i chinô-òṅkānö, ngaich tömrit nup töngyô-òv lōn alaha; ngaich kihngen nö im ötkanôlò tötnyangngökūö tameūyö, nö inmeukhömat hī.

1 YÔHAN 4:17

In e an ngam hanāngenlōn nö teungten nö in hī; hòṅ hī öt pa-ekūö im sakāmö kinṙôka: pòn sā Ò Anga-aṅ, ngatī ayī-ö ing panam.

2 PĪTÖR 3:7

Minë halīöngö pöri tö ōtre töngamuh, tö ngam tumlat inrē, nöng kūö e angū-ö ṙô, nö ngaich nö hanöng tö tameūyö nö halēni, höngkö öp sakāmö kinṙôka, öp ötinkôlò yip tötlöök tarik inrē.

2 PĪTÖR 2:9

Huveū-en an ngam Mā nö ṙānyö tölöök nö ṙā-ang i kinlaha ngaich ṙātö tötlöök nö elkatòh ötinkôlò, söl ip sakāmö kinṙôka;

2 PĪTÖR 2:6

Ngaich vīten nuk elpanam Sôtöm, Kômòra inrē nö tisum, hukavalhang tö cha nö öthakôlò cha, vīten cha nö inmeukhömat cha yip tö hòṅ iyöng ötlanöökö;

RŌMA 2:16

Im sakāmö hē ngam Tēv min nö kahòkken nup töhayunka i tarik, sā ngam ahangkö chu tölöök, lökten Yēsū Kristū.

RŌMA 2:5

Ngaich pöri nup nganëḵeṅ ellōn meh, öt miṙivlōn meh inrē tö tökööl nö hamūllö lanīnö im inmeuktö ngam tölöök kinṙôka aṅ im Tēv:

T. LŪKÖS 9:5

Ngaich yē ṙôngö yip samôḵen yīö yē yīö pöchö kiröönngöre ṙāngö ngam panam, pitōngngö pitung kunröönre pöichö, minkahngö cha.

T. MËTIV 12:36

Ngö ṙô Chin tö yiö, Ṙòkhöre nup töng minôn nö ṙô, nup ṙô tarik min; ngaich cha-a min ip sakāmö kinṙôka, nö sāpö u.

T. MĀKÖS 6:10

Ngaich ngö ṙô Anga-aṅ tö cha, Ip töng lööṙö yīö patī, höngngöh yī-ö in e; hanöng saha chanuhu yīö, ṙāngö e.