T. MĀKÖS 5:7 - TÖHET LĪPÖRE (Re-edited) Bible (BSI)

⁷ Ngaich pōitô nö hūḵa, nö ngö ṙô, Sitih öich chu-ö in Meh, Yēsū, Me-eṅ Kūön ngam Tēv lātulöng? Im Tēv ṙô Chin ve-ekūö Meh, Uh chin öthakôlöngṙô tö Meh.

T. MĀKÖS 5:7 Referans Kwoze

T. MËTIV 8:29

Ngaich hūḵ-a cha-a nö ngö ṙô, “Asuh ap lōn Meh in ai? Me-eṅ kūön ngam Tēv, Yih Öm ihih öthakôlò ai, urēhĕkūö ngam ṙētak?”

INLAHEN 16:17

Anga-aṅ tamömkörit ih, īhö Pôl; ngaich hūḵa, nö ngö ṙô, Mahalanṙen ngam Lamātulöng Tēv, yin vē tarik; ma-ahangken yīö tö ngam talöökö inyööken.

NGAM LĪPÖRE KAHŪICH YŪT 1:6

Ngaich yip ma-ahānga inrē, yip töt mahaköp nehngenre inlahare, ṙāngö nup chūökre pöri cha-a; ngaich haköpi tö Ò nö örheūheu nö nyëki nö elsinngūlö, söl im kinṙôka tökiröng sakāmö.

T. MËTIV 26:63

Höng öt ṙô-òvö pöri Yēsū. Ngaich ök mākūö kūönṙô nö ngö ṙô tö Ò, I ngam tö aṅ Tēv, ṙô Chin tö Meh, hòn Meh ve-eny nang ih, yē Meh Öm Me-eṅ Kristū, Öm Kūön ngam Tēv,

INMEUKHÖMAT 12:12

Lökten yin ṙāmölōn, Ō yī-ö halīöngö, yī-ö mī-iyöng ël u inrē. Ötkôlò yin yī-ö panam, mai inrē; pò ngam sī-ö nö ngaich nö yôntī nö in yīö, holtö yöng lanīnö; pòn akahalōn töre nöng rahëchtöreṙen.

INLAHEN 19:13

Rēvre pöri yik Yahūti, töng mahavöt, ma-ahōngö sī-ö; kalahtenre cha-a nö ṙôtö Mine-eny ngam Mā Yēsū, nö i yik tö sī-u aṅ in, Yēsū ngam ahangkö Pôl.

T. LŪKÖS 8:28

Höng meuktöre anga-aṅ tö Yēsū, ngaich hūḵa, ane inrē afukngöre nö i kūö Ò, ngaich pōitô nö ngö ṙô, Sitih falngen öich min in Meh, Yēsū, Me-eṅ kūön ngam Tēv Lamātulöng. Ve-ekūö Meh chin, uh chin hakihtuṙen.

T. MĀKÖS 3:11

Ngaich yik tötlöök sī-ö nö afukngöre nö i kūö Ò, yē cha nö meūkan; ngaich hūḵa nö ngö ṙô, Me-eṅ Man, Kūön ngam Tēv.

T. MËTIV 4:3

Ngaich yihtöre ngam kamlah, ngaich ngö ṙô tö Ò, “Yē Meh Öm Kūön ngam Tēv, tölṙô në ihong Man yēḵ, nö vīngöre nö ròti.”

1 YÔHAN 3:8

Ngòh tö la-evṙen tö tökööl, aṅ im sī-ö anga-aṅ, pò ngam sī-ö nö tö köölöfālen, hētentö ök raneh. Angū-ö an lökten ngam Kūön ngam Tēv nö hameuktu, pòn hōtu Anga-aṅ nö luhngö la-en ngam sī-ö.

2 PĪTÖR 2:4

Yē ngam Tēv nö öt aṙētö yip ma-ahānga yē cha nö köölö fālen, sukten cha pöri nö el chūök öt inkôlò, ngaich kēten cha nö el sinngūlö nup tö ūlö mak, nö hanööngen öp kinṙôka;

T. MĀKÖS 1:24

Nö ngö ṙô, Asuh Öm Me-eṅ in ih, Me-eṅ Yēsū aṅ Nāsaret? Yih Ömeh Öm öthakôlò ih? Akahakūö chin tö meh; töhet Man aṅ im Tēv.

T. MËTIV 16:16

Ngaich Simōn Pītör nö ngö ṙô, nö sap ṙô Ò, Me-eṅ Man Kristu, Kūön ngam tö aṅ Tēv.

HŌSĪ 14:8

Ngö ṙô min ngaich ang ifrēm, Asuh ap la-en chu höng hēkhö kūö re i insātev? Sapṙô ò chin ngaich, kūötenre inrē tö ò. Sā nup tö-ayal chin för chōn; lökten in chu nup ṙòng meh nö kôti.

1 RĀCHA 22:16

Ngaich ngö ṙô ök rācha tö ò, Ām heuh öich chūöku ṙô in meh tö meh öt tahëngu ṙô in chu höng ngam tökô-en i minënyö ngam Mā Tēv?

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

HEPRĀI 7:1

Pò ngòh Melkisētĕk, rācha aṅ Sēlem, kūönṙô aṅ im Tēv Lāmātulöng, ngam hamöngkūö Aprahām tö invanö ò nö ṙā-ang i kinyūngö yik rācha, ngaich hakôlò ò,

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

INLAHEN 8:36

Ngaich hē cha nö iṙuhöröön nö kiröönngöre, sölta cha-a ngaich nö ik mak. Ngaich ngö ṙô anga-aṅ, Ngīöng yih mak! Asuh ap lökngen chu öt kô vōkö?

T. YÔHAN 20:31

Kūichyö pöri në, hòṅ yīö ṙātö ellōnre tö Yēsū nö Kristū, ngam Kūön ngam Tēv, hòṅ yīö inrē, lökten im ṙinātö ellōnre i Mine-eny Ò, öi nômuvö.

T. LŪKÖS 6:35

Hāngenlōn pöri yī-ö tö yip tökunyahaṅelmat tö yīö, kôlòtī tö cha; haṙūönghökūö cha, ui uhā-en tö cha, Pōyen nup min raneushö yī-ö; ngaich yīö min kūön ngam Lamātulöng, pò Ò Anga-aṅ nö tö-aheuk tö vē tötameūṅ, ane inrē vë tötlöök.

T. LŪKÖS 4:34

Eh! Sitih fālen öi min ihö, in Meh; Me-eṅ Yēsū aṅ Nāsaret? Yamih Öm fëlngen ih? Akahakūö chin tö Meh, Töhet Man aṅ im Tēv.

T. LŪKÖS 1:32

Töpōyö öp min, ane inrē Kūön ngam Lamātulöng, invëkö Ò min. Kē-ĕvkūö öp min tö ngam Mā Tēv tö ngam kantēra ök yöng Ò, Tāvit;

T. MĀKÖS 14:61

Öt ṙô-òvö pöri Anga-aṅ; öt sapṙô cha inrē. Hēk ök mākūö kūönṙô nö hatönan, nö ngö ṙô, Me-eṅ Öm Kristū, Öm Kūön ngam Tökôlò?

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

T. MĀKÖS 5:6

Ngaich hē ò nö meūkö Yēsū nö marôvat, faltöre ngaich, nö ve-ekūö Ò;

T. MĀKÖS 5:8

Pò Yēsū nö ngö ṙô tö ò, Me-eṅ töt löök sī-ö; kunyī-inyre man, ṙāngö ngam tarik.

YĀKÖP 2:19

Ṙātö ellōnre man yih tö ngam Tēv nöng hĕng; huveūen me-eṅ: ṙātö ellōnre inrē vē sī-ö nö kichëiyöre.