T. MĀKÖS 5:34 - TÖHET LĪPÖRE (Re-edited) Bible (BSI)

³⁴ Ngaich ngö ṙô Anga-aṅ tö ò, Kakūönö; ngam mikah meh an tölöökentī tö meh. Im kumchikṙen man ngaich kuṙòh. Ngaich lööken yēḵ tö ngam invahre.

T. MĀKÖS 5:34 Referans Kwoze

T. LŪKÖS 8:48

Ngaich ngö ṙô Ò tö ò, Kakūönö, ap mikah meh ap tölöökentī tö meh. Kumchikngöröönre man kuṙòh kiröönngöre.

T. MËTIV 9:22

Havöölökūöre pöri Yēsū, ngaich meūkan; ngaich ngö ṙô tö ò, “Kakūönö, um pa-e-kūö; ap mikah meh ap tölöökentī tö meh.” Ngaich lööken ngam kikānö, im hē e takô.

T. LŪKÖS 18:42

Ngaich ngö ṙô Yēsū tö ò, Meuk man yēḵ ngaich. Ngam mikah meh an tölöökentī tö meh.

T. LŪKÖS 7:50

Ngaich ngö ṙô Ò tö ngam kikānö, Ap mikah meh ap mahayööken meh. Kumchik ngöröönre man ngaich kuṙòh kiröönngöre.

T. MĀKÖS 5:29

Ilööṙen ngaich ök kunnyahen ò nö nyôlö; akahaiṙen alaha ngaich anga-aṅ tö lanöökenre tök invahre.

INLAHEN 14:9

Anga-aṅ hamang ṙô Pôl; ngaich Pôl nö haköpmatre nö ngëichken ò; ngaich akahalōn tö ò nö mikahavö, töp lökten lanööken ò.

T. LŪKÖS 17:19

Ngaich ngö ṙô Anga-aṅ tö ò, Choholre man; kuṙòh kiröönngöre; ap mikah meh ap tölöökentī tö meh.

T. MĀKÖS 10:52

Ngaich ngö ṙô Yēsū tö ò Kuṙòh, ngaich man kiröönngöre. Ngam mikah meh an, tölöökentī tö meh. Ilööṙen ngaich anga-aṅ nö meuk, ngaich tömrit Ò nö el talöökö.

T. MËTIV 9:2

Ngaich hĕng tak ök tövahavö tölum, tökētu töcha nö in Ò, hulalhaka el chamam, ngaich meuk mikah cha Ang Yēsū, ngaich ngö ṙô tök tövahavö tölum, “Kakūönö; um pa-ekūö arēlöngö nup tökööl meh nö ngaich.”

2 RĀCHA 5:19

Ngö ṙô anga-aṅ tö ò, Ngaich man kuṙòh im kumchikṙen. Lökten ò nö kiröönngöre nö ṙāngen ò nö rēhĕ rô-òlkūö.

1 SAMUĔL 1:17

Ngaich ngö ṙô Ēli nö sap ṙô ò, Kuṙòh im kumchikṙen man ngaich; kētö öp havëkö meh an yēḵ ngam Tēv Israel öp havëkö meh taheui in ò.

1 SAMUĔL 20:42

Ngaich ngö ṙô Yônatan tö Tāvit, Ngaich man im kumchikṙen mötö hā nëtre taka kilēngôre i minē-eny ngam Mā Tēv, ai ngö ṙô, Örheūheu An min ngam Mā Tēv nö ihôi chu tö meh, ihôi öp kūön chu inrē tö öp kūön meh. Choholre ngaich anga-aṅ nö kirööngöre: ngaich Yônatan nö chuh elpanam.

Mumkahten 9:7

Kuṙòh, kumchikngökūö re man nyā-avkūö tö nyā-aṅkūöre, òk vāin re inrē holtö ṙanāmölōn; tön ngaich an ngam Tēv nö hōḵ tö vahīṙen meh.

T. MĀKÖS 3:10

Pòn maṙôngö halanken Anga-aṅ; ngaich yik ṙôngö yik tövahavö nö singtöre nö in Ò, pòn hòṅ lūölken Ò cha-a.

T. MĀKÖS 5:33

Ngaich pöri ngam kikānö nö pa-ekūö, kichëyöre inrē, pò ò nö akahangenre nö ngaich; yihtöre ngaich, nö afukngöre nö i kūö Ò. Ngaich ve-eny re nö kô-òṙô.

INLAHEN 15:33

Ngaich ṙōlö ṙô nö ṙuhöl alaha ök māṅ, nö hangëken cha. Rĕh rô-òten cha-a nö umuh; ngaich tīniyö tök māṅ nö holtö kumchikṙen, nö chuh i yik tamīnngöre.

INLAHEN 16:36

Ngaich ök yōm kinlōngö nö ve-eny minë ṙô nö in Pôl; nö ngö ṙô, Tīntö ṙô nap yöngṙen nö hōten nāṅ ngaich luhlöngö. Lökten nan ngaich kunyī-inyrel kumchikngenre an kiröönngöre.

YĀKÖP 2:16

Ngaich hĕng tak tö yīö tö ngö ṙô tö cha, Kuṙòh ngaich yin, im kumchikṙen, ṙāich yin yēḵ ngaich, tööḵngen yēḵ inrē, ngaich rö-ö yī-ö kē-ĕkūö cha tö nup lōn ngam alaha; asuh ap kanôlò tī e?

LA-EN LĒVĪ 14:48

Ngaich yē öp Kūönṙô min nö kuhēthötre, ngëicha ngaich, ngaich meuk ngam invah nö öt parāti nö el ngam patī, unôichrit ngam patī nö hapānö; ngaich ngam Kūönṙô min nö vë-eny ngam patī nö löök, pò ngam invah nö lööken.