T. MĀKÖS 5:31 - TÖHET LĪPÖRE (Re-edited) Bible (BSI)

³¹ Ngaich yik haköptö Ò nö ngö ṙô, Meuk më tömaṙôngö Man, nö singngen Meh, ngaich Öm ngö ṙô, Achīö ap lamūölken Chu?

T. MĀKÖS 5:31 Referans Kwoze

T. LŪKÖS 8:45

Ngaich ngö ṙô Yēsū, Achīö ap lamūölken Chu? Ngaich ṙòkhöre nöng rö-öv ṙô, ngaich ngö ṙô Pītör, yik hamòl ò inrē, Mahaköphöti; sīngi Man tö vē tömaṙôngö, ane inrē kirāchi.

T. LŪKÖS 9:12

Ngaich ngam sakāmö nö hòṅ harap. Yihtöre ngaich yik tö nët sīön taka, nö ngö ṙô tö Ò, Tīnngörit më tömaṙôngö; hòṅ cha nö chuh tuhēt, tavat inrē tö röhta; nö chūökuvö, kēḵ nya-aṅkūöre inrē; tön el-inchōn ön ngih chūök hī ihih.

T. MĀKÖS 5:24

Ngaich kiröönngöre Anga-aṅ nö hol ò. Ngaich maṙôngö yik tamömrit Ò, ngaich cha-a nöng singngen Ò.

T. MĀKÖS 5:30

Akahaiṙen Ang Yēsū nö in re, töp kanô-òṅ Ò nö kēkaṙen; havöötökūöre Anga-aṅ ngaich nö i yik tömaṙôngö; ngaich ngö ṙô. Achīö ap lamūölkö hilā Chu?

T. MĀKÖS 5:32

Chuvīngö matre ngaich Yēsū nö ngëichken ò, ök tö tī-ivö.