T. MĀKÖS 5:30 - TÖHET LĪPÖRE (Re-edited) Bible (BSI)

³⁰ Akahaiṙen Ang Yēsū nö in re, töp kanô-òṅ Ò nö kēkaṙen; havöötökūöre Anga-aṅ ngaich nö i yik tömaṙôngö; ngaich ngö ṙô. Achīö ap lamūölkö hilā Chu?

T. MĀKÖS 5:30 Referans Kwoze

T. LŪKÖS 6:19

Ṙòkhöre yik tömaṙôngö tarik nö hòṅ sūöhken Ò; pò ök kanô-òṅ nö löknyö in Ò; ngaich lööken cha-a nö ṙòkhöre.

T. LŪKÖS 8:46

Ngaich ngö ṙô ang Yēsū, Hĕng taka tal öp lamūölken Chu; tön akahngen ngam kanô-òṅ Chin, nö kiröönngöre nö ṙāngen Chu.

T. LŪKÖS 5:17

Ngaich hĕngheuh ik hē u anū-ö sakāmö tö Ò nö mumkahten, ngaich umuh nö ūichhaka yik Feresī ane inrē yik mahaköptö ngam chöngö, yik ṙamā-ang taṙòkhöre panam i Kelelī, i Yūtā, ane inrē i Yerūsalem ngaich ngam kanô-òṅ ngam Mā Tēv nö in Ò, nö halanken tövahavö.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

T. MĀKÖS 5:31

Ngaich yik haköptö Ò nö ngö ṙô, Meuk më tömaṙôngö Man, nö singngen Meh, ngaich Öm ngö ṙô, Achīö ap lamūölken Chu?