T. MĀKÖS 5:24 - TÖHET LĪPÖRE (Re-edited) Bible (BSI)

²⁴ Ngaich kiröönngöre Anga-aṅ nö hol ò. Ngaich maṙôngö yik tamömrit Ò, ngaich cha-a nöng singngen Ò.

T. MĀKÖS 5:24 Referans Kwoze

T. MĀKÖS 5:31

Ngaich yik haköptö Ò nö ngö ṙô, Meuk më tömaṙôngö Man, nö singngen Meh, ngaich Öm ngö ṙô, Achīö ap lamūölken Chu?

T. LŪKÖS 7:6

Ngaich ang Yēsū nö hol röön cha. Ngaich öt marôvat Anga-aṅ tö ngam patī; tīnhang ngam yöngṙen töhēngòng kumyung, tö yik holre nö ngö ṙô tö Ò: Mā; uh Man harëtnyö elmatre, Öm yihtöre i patī chu; tön rö-övö chin tökanô-òṅvö.

T. MĀKÖS 3:20

Yihtöre ngaich Yēsū nö ël ök tö hĕng patī. Ngaich hēk yik tömaṙôngö nö hamūl yanīhihre; ngaich cha-a nöng öt löktukūö nö nyā.

INLAHEN 10:38

Tö Yēsū aṅ Nāsaret, ngam tö hachāmö elkui tö ngam Tēv, tö ngam Töhet Fanöinylö, minhôiṅyö inrē. Ök kumröönköre nö la-evṙen tö tölöök, halanken yik taṙòkhöre töt hakôlöngṙô tö ngam sī-ö, pò ngam Tēv nö in Ò.

T. LŪKÖS 19:3

Ngaich anga-aṅ nö hòṅ meūkö Yēsū; ngaich öt kô, kūö më tömaṙôngö; pò ò nö töcheūḵlö.

T. LŪKÖS 12:1

Hē e yik tö ṙōl köṅny tömaṙôngö nö hamūlöre nö pōyen, tön uroh nöng kö rööntökui höö, rĕhnyôre Anga-aṅ tö yik mahaköp nö ngö ṙô, Urĕh yin haṙēmngenre tö nup tö-aföhlöng ròtī i yip Feresī, ngam innyatkö-elmat.

T. LŪKÖS 8:45

Ngaich ngö ṙô Yēsū, Achīö ap lamūölken Chu? Ngaich ṙòkhöre nöng rö-öv ṙô, ngaich ngö ṙô Pītör, yik hamòl ò inrē, Mahaköphöti; sīngi Man tö vē tömaṙôngö, ane inrē kirāchi.

T. LŪKÖS 8:42

Pò ò nö hĕng tak kūön tö kikānö, ök töng hĕng maneuk, tö nët sīön höiny samyeūheu, tö hòṅ kapah. Ngaich hē Ò nö kiröönngöre, ngaich më tömaṙôngö nöng singngen Ò.

T. MĀKÖS 5:23

Ngaich ve-ekūö Ò anga-aṅ, nö kô-ò ṙô takô nö ngö ṙô, Hòṅ kapah ap kun kūön chu kikānö. Ve-ekūö Meh chu-ö, hòṅ Meh yihtöre, ṙātö eltīre in ò; hòṅ ò nö lööken, ngaich aṅ.

T. MĀKÖS 5:25

Ngaich hĕng taka ök kikānö tö nët sīön samyeūheu rô-òten nö kunyahen;

T. LŪKÖS 11:29

Ngaich hē yik tömaṙôngö nö hamūlöre nö in Ò, ngaich rĕhnyôre Anga-aṅ nö ngö ṙô, Tötlöök ön ngih tūmö; chöh minkahngö ön; öt kē-ĕvkūö pöri angū-ö min tö minkahngö Yôna.