T. MĀKÖS 5:23 - TÖHET LĪPÖRE (Re-edited) Bible (BSI)

²³ Ngaich ve-ekūö Ò anga-aṅ, nö kô-ò ṙô takô nö ngö ṙô, Hòṅ kapah ap kun kūön chu kikānö. Ve-ekūö Meh chu-ö, hòṅ Meh yihtöre, ṙātö eltīre in ò; hòṅ ò nö lööken, ngaich aṅ.

T. MĀKÖS 5:23 Referans Kwoze

T. LŪKÖS 13:13

Ṙātö eltīre Anga-aṅ ngaich nö in ò; ilööṙen anga-aṅ ngaich nö chiplöre; ngaich ha-öiny ngam Tēv.

T. LŪKÖS 4:40

Ngaich hē ël maneutti ngam tavūöi, ṙòkhöre yik töṙōlkangen invah nö kētu nö in Ò. Ṙātö eltīre ngaich Anga-aṅ nö i kui cha, nö halanken cha.

T. MĀKÖS 16:18

Kēḵ pēch yip min, ane inrē yē cha nö òk tökapahukūö ngaich öt chökhukūö angū-ö tö cha, ṙātö eltīre min cha-a nö i tövahavö, ngaich lööken cha-a.

INLAHEN 28:8

Ngaich ök yöng ò nö vahavö, vūöi, sôḵòiny sāṙen inrē. Yihtöre ang Pôl nö in ò, ngaich löökentī tö ò.

T. LŪKÖS 4:38

Choholre Anga-aṅ ngaich nö ṙā-ang ël ngam chūök vine-eṅkūötēv; kuhēthötre ngaich nö el patī Sīmōn. Ngaich ök yöng pīhö Sīmōn, nö pōihangen nö vūöl; ve-evkūö ngaich Anga-aṅ tö cha, töpòkūö ò.

T. MĀKÖS 8:23

Ngaich sarōk kël öt tötmeuk Anga-aṅ; ngaich kēḵnyen ò nö la-uk ök tuhēt, Keuheūthëṙen Anga-aṅ nö köshöt elmat ò, ṙātö eltīre nö in ò; ngaich hatönan, nö ngö ṙô, Maheūṅku öm ngaich?

T. MĀKÖS 7:32

Ngaich cha-a nö hĕng tak kahëti nö in Ò, tök töthang, tösiknyô inrē. Ngaich cha-a nö ve-ekūö Ò nö hōten Ò nö ṙātö eltīre nö in ò.

T. LŪKÖS 7:12

Ngaich röhta Anga-aṅ nö i kūö inkūp ök panam, ngaich meuk ök tökapah, tökeunnyuvö, töng hĕng maneuk ök, nö kūön ök yöngre, ök tafīösi yöng ò kikānö. Maṙôngö yik tarik aṅ ngam panam nö hol ò.

T. MĀKÖS 6:13

Maṙôngö ahōngö tö sī-ö cha-a; maṙôngö hacham alaha inrē, tö tavī-i, tö tövahavö; ngaich halanken cha.

T. MËTIV 8:3

Hateuthöiny Anga-aṅ tö këlre, ngaich lūölken ò; nö ngö ṙô, “Hōḵ chin; lööken man yēḵ ngaich.” Ilööṙen nuk yeūnyö ò ngaich, nö lööken.

Salmai 107:19

Ngaich cha-a nö havëkö ngam Mā Tēv nö i kanihngen cha: ngaich Anga-aṅ nö ṙānyen cha nö ṙā-ang i nuk kanihngen cha.

Salmai 50:15

Ngaich havëken chu hē el kanihngen: ṙānyen meh chin min, ngaich hapōilen chu min më-eṅ.

2 RĀCHA 5:11

Tainy pöri ang Nāman kiröönngöre ngaich nö ngö ṙô, Yēh meuk, kumnyī-inyre ap tö lōn chu nö in chu, nö söktöhëch, nö havëkö minë-eny ngam Mā Tēv ngam Tēv ò, ngaich kuvai kël re nö i kui ngam yeūnyö ngaich kētö lanööken e.

INLAHEN 9:17

Kiröönngöre ngaich Ananī; kuhēthötre ngaich nö el ök patī; ngaich ṙātö eltīre nö in ò, nö ngö ṙô, Hol chu, Sôl; tīntu chin tö ngam Mā, ang Yēsū, ngam tömeūkö tö meh, el talöökö tök yanihih meh; hòṅ meh öm meuk īnu inrē tö ngam Töhet Fanöinylö.

INLAHEN 6:6

Asöklöngö cha-a nö i kūö yik tanīnöre, Keuheūthëṙô cha-a nö ve-ekūötēv, ngaich ṙēptö eltīre cha-a nö i kui cha.

T. YÔHAN 11:3

Lökten nak kanānö ò, nö tīnngö vame-eny nang Ò, nö ngö ṙô, Mahaköphöti; vahavö ap hol Meh.

T. MĀKÖS 5:24

Ngaich kiröönngöre Anga-aṅ nö hol ò. Ngaich maṙôngö yik tamömrit Ò, ngaich cha-a nöng singngen Ò.

INLAHEN 8:17

Ṙēptö eltīre ngaich cha-a, nö i kui cha; ngaich teūngen cha-a tö ngam Töhet Fanöinylö.

INLAHEN 9:12

Ṙònghöichṙen ap nö ve-ekūötēv; ngaich anga-aṅ nö meuk öp tarik, nö yihtöre, Ananī minënyö, ngaich ṙātö eltīre nö in ò pòn hōtu anga-aṅ nö meuk.