T. MĀKÖS 5:22 - TÖHET LĪPÖRE (Re-edited) Bible (BSI)

²² Ngaich hĕng tak ök yamihtöre, aṅ i yik yöngṙen chūök vine-eṅkūötēv, Yāirös ök mine-eny ò; afukngöre anga-aṅ nö i röön Ò, tö mat ò nö meūkan.

T. MĀKÖS 5:22 Referans Kwoze

T. LŪKÖS 13:14

Ngaich ök mākūö ngam chūök vine-ekūötēv, nö līn pò Yēsū nö halanken tövahavö hē el töhet sakāmö, ngö ṙô an nö i yik tömaṙôngö, Tafūöl sumkam nup hē tarik nö la-evṙen, hē u yin yĕh lökten halankaṙen invah; rö-övö pöri nö hē el ngih töhet sakāmö.

INLAHEN 18:17

Ngaich kē-ĕ Sòstēnös cha-a, ök mākūö ök chūök vine-eṅkūötēv, ngaich fōhan, nö i kūö ök chūök kamhôṅka; ngaich Kalīō nöng ötchumkūöṙen tö e.

INLAHEN 18:8

Ngaich Krispös, ök yöngṙen chūök vine-eṅkūötēv, nö ṙātö ellōnre nö i ngam Mā, holtö yik aṅ patī ò nö ṙòkhöre. Maṙôngö inrē yik aṅ Kòrin hamang, ngaich ṙātö ellōnre; ngaich vōkö.

INLAHEN 13:15

Keuheūt hë vine-eṅkūö ngam chöngö, nup līpöre yik pròfĕt inrē; ngaich ngö ṙô yik mākūö chūök vine-eṅkūötēv, Kahōlö; yē nāṅ ṙahônyu tö ṙinuöhöl alaha vē tarik, yĕh ṙô-òv nan.

T. LŪKÖS 5:8

Höng meuktöre ang Sīmōn Pītör tö e, ngaich sōntökūöre nö i kūö Yēsū, nö ngö ṙô, Ō Mā, kē-ĕngre Man in chu; tön tököölö fālen chin chu-ö tarik.

T. MĀKÖS 5:33

Ngaich pöri ngam kikānö nö pa-ekūö, kichëyöre inrē, pò ò nö akahangenre nö ngaich; yihtöre ngaich, nö afukngöre nö i kūö Ò. Ngaich ve-eny re nö kô-òṙô.

INMEUKHÖMAT 22:8

Chū-ö chin Yôhan, öich hamang, mameūkö u inrē. Ngaich hē chu hang, meuk inrē, ngaich afukngöre chū-ö, öich salām, i röön ök Ma-ahānga, öp mahameukhömat chu tö u.

T. LŪKÖS 8:28

Höng meuktöre anga-aṅ tö Yēsū, ngaich hūḵa, ane inrē afukngöre nö i kūö Ò, ngaich pōitô nö ngö ṙô, Sitih falngen öich min in Meh, Yēsū, Me-eṅ kūön ngam Tēv Lamātulöng. Ve-ekūö Meh chin, uh chin hakihtuṙen.

T. MĀKÖS 5:38

Chalô cha-a ngaich nö i patī ök yöngṙen chūök vine-eṅkūötēv; ngaich Anga-aṅ nö meuk tö taṙōlaṙen, pameuiny, maharāmöre inrē, nö pōitô.

T. MËTIV 2:11

Kuhēthötre cha-a ngaich nö el ngam patī ngaich meuk ngam Nyīö, nö holten Marīa ök yöngnyīö, sōntökūöre cha-a ngaich nö salāman. Löphönyi cha-a tö kūö nuk chehen, ngaich kēḵĕkūö Ò tö raneushö, tö humlum, lōpan, ane inrē mūr.