T. MĀKÖS 5:15 - TÖHET LĪPÖRE (Re-edited) Bible (BSI)

¹⁵ Yihtöre ngaich cha-a nö in Yēsū; ngaich meuk ök tarik nö ūichhaka, ök tösī-u aṅin sin hilāṙuvö, löökö ellōn inrē, ök tö īnu tö līkiön. Ngaich pa-ekūö cha-a.

T. MĀKÖS 5:15 Referans Kwoze

KÒLÒSĪ 1:13

Ngam ṙamānyen hī ṙā-ang el ngam sinngūlö, ngaich haṙī-ing chūök hī im pūlngö ngam Kūön hanāngenlōn:

2 TIMÒTĪ 1:7

Pò ngam Tēv nö öt kē-ĕkūö hī tö ma-alaha pinhë-eṅkūö: kanô-òṅ pöri hanānngen inrē, ötinhôngen chöngö inrē.

T. LŪKÖS 8:27

Ngaich yôkti Anga-aṅ nö el tanyô. Ngaich hĕng tak ök tarik aṅ ök panam, mameūkö Ò, tö sī-u aṅ-in. Tömarô-angen ök nöng öt hilāṙu; öt iyöng patī, höng i kuikupah.

T. MĀKÖS 5:9

Ngaich hatönan Anga-aṅ nö ngö ṙô, Achīö ap mine-eny meh? Ngaich ngö ṙô anga-aṅ, Līkiön, öp mine-eny chu; pò ih maṙôngö.

T. LŪKÖS 10:39

Hĕng taka ök kanānö ò, Mariā ök mine-eny ò, ök töng amūichhaka nö i röön ök Mā, nö hang ṙô Ò.

1 SAMUĔL 16:4

Ngaich Samu-ĕl nö teūngen tö ök ṙô ngam Mā Tēv, ngaich yih nö i Pĕtlihem. Ngaich yik mā im el panam nöng kichëyöre nö yih nö höngkūö ò, nö ngö ṙô, Lāmö yanīhih ömeh?

Salmai 14:5

Kiröngö pihnë-eṅkūö cha-a: pò ngam Tēv nö i tumköl-chap tölöök.

NGAM LĪPÖRE YŌP 13:11

Öt ngāng öm min töp minā- aṅ ò, öp pinhë-eṅ ò inrē nö fukkui meh?

1 KINṘÖTNGÖ 15:13

Kūö yīö ik la urĕh öt keūnö e ngaich ngam Mā Tēv ngam Tēv hī nö tāiny nö in ih pò ih öt milēṙen tö e nö sā inchöngten re nö in e.

T. MĀKÖS 5:18

Ngaich hē yanôklö Ò nö el kupòk, ngaich ök tö-īnu tö sī-ö sin, nö ve-ekūö Ò, pò ò nö hòṅ in Ò.

T. MĀKÖS 5:16

Ngaich yik mameūkö e, nö ve-eny nang cha tö inlahen ngam tö īnu tö sī-ö, tö nuk ha-un inrē.

T. MĀKÖS 5:4

Ṙōl heuh anga-aṅ nö nyëkö kalröön kël inrē; ngaich minë sayōk nö litôki tö ò; nuk nyanëk kalröön ò inrē nöng latôki. Öt hĕng tak tökô nö pumlāman.

T. MËTIV 12:29

Hēk, siti kanô-òṅ ang ngòh töhĕng tak nö kuhēthötre nö el patī öp tökalēk tarik, nö kēḵ nup chehen ò, yē ò nö öt urĕh nö nyëk ngam tökalēk, Ngaich möl anga-aṅ nö kēḵ nup aṅ patī ò.

T. MËTIV 4:24

Ngaich ngam vinënyö Ò nö söl i Siria; ngaich cha-a nö kētö yik tövāhavö, nö in Ò, yik töṙōlkangen vah ane inrē kanihngen, tö-aṅhavin tö sī-ö, tökatūöilöng elkui, mahangë-ere, tölum inrē, Ngaich halanken cha Anga-aṅ.

T. MËTIV 9:33

Ngaich hē ngam sī-ö nö ahōṙi, kô ngaich ngam tarik nö ṙô-òvö. Pingangkūö ngaich yik tömarôngö nö ngö ṙô, “Öt hĕng heuh in meuk töngati, i Israel.”

1 KINṘÖTNGÖ 13:12

Pa-ekūö ngaich Tāvit tö ngam Tēv ik sakāmö angū-ö; ngö ṙô ngaich anga-aṅ, Sitih kanô-òṅ öichvö kētö ngam kasòng chöngö ngam Tēv nö i patī chu?

T. MËTIV 26:53

Öt kô ṙöng Öich, tö lōn meh, Öich ve-ekūö ngam Yöngre; ngaich kô-òren Anga-aṅ nö pōyen tahīntö nö in Chu, tö tö nët sīön köṅny ma-aṅhānga.

T. MĀKÖS 5:14

Ngaich yik maha-ôkö u nö falngöre; ngaich ve-eny e nö im panam, i tavat inrē. Ngaich cha-a nö yihtöre nö ngëichkö inlahen ök töngati.