T. MĀKÖS 5:13 - TÖHET LĪPÖRE (Re-edited) Bible (BSI)

¹³ Ngaich halöngten cha Anga-aṅ. Meutnyi ngaich yik tötlöök sī-ö, ngaich meuthöt nö i nuk ha-un. Ngaich nuk ha-un nö faltöre nö ik töyūöti nö el mai. Nët köṅny tum nòng nuk; ngaich pökngö nö el mai.

T. MĀKÖS 5:13 Referans Kwoze

NGAM LĪPÖRE YŌP 2:6

Ngaich ngö ṙô ngam Mā Tēv tö Sātān, Yĕh meuk, i minhôinyö meh apa; höng ṙālö ap nômö ò.

INMEUKHÖMAT 20:7

Ngaich hē minë tö hĕng köṅny samyeūheu nö keuheūt, ṙānyu ngaich min Sātān nö ṙā-ang ël öp kinlōngöre,

INMEUKHÖMAT 9:11

Lātulöng tö u nö sā rācha, ap Ma-ahānga aṅ i ngam ṙeūvö töt lātaṙeū-euvö: Apatön minënyi ap tö ṙô Heprāi, i ëlô Krik pöri ap minë-eny ò nö Apōlön.

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

T. YÔHAN 8:44

Ngam sī-ö an yöng yīö; ngaich la-evṙen yī-ö tö nup lōn ngam yöngre. Famël tarik an ik raneh; öt mi-im kanô-en, pòn öt kanô-envö nö in ò. Ṙô-òvö anga-aṅ nö minyôiny-aṅ, yōm minnyôiny-aṅ inrē.

T. MËTIV 8:32

Ngaich ngö ṙô Anga-aṅ tö cha, “Kuṙòh.” Ngaich meutnyi cha-a; ngaich meuthöt nö i nuk ha-un; ngaich ṙòkhöre nuk ha-un nö faltöre nö i kui panam, ngaich fuk el mai, ngaich kapah.

NGAM LĪPÖRE YŌP 1:12

Ngaich ngö ṙô ngam Mā Tēv tö Satān, Yĕh meuk, ṙòkhöre nup in ò nö i minhôiṅyö meh; höng uh pöri më-eṅ lūöltö tīre in ò. Kiröönngöre ngaich Satān nö ṙā-ang i kūö ngam Mā Tēv.

1 RĀCHA 22:22

Ngaich ngö ṙô ngam Mā Tēv tö ò, Öm aṅtī tö yòh? Ngaich ngö ṙô anga-aṅ, Kiröönngöre chin min, öich ma-alaha töminyôiny-an elvāng yip pròfĕt ò nö ṙòkhöre. Ngaich ngö ṙô anga-aṅ, Më-eṅ man ngaich mahaṙöingen ò min, ngaich mihôiṅ min inrē; Kuṙòh ngaich man, ngaich ngatī tī.

T. MËTIV 7:6

“Un kēḵtu ap töhet nö i am: un rēhĕn nö kavaltu nö i kūö ha-un nup töpōiṙāi tasëhe; hòṅ u nö öt rööntökui u, ngaich havöölökūöre, nö kāpö meh.

T. MĀKÖS 5:12

Ngaich ve-ekūö Ò cha-a, nö ngö ṙô, Tīnngen ih i nup ha-un, hòṅ ih meuthöt in u.

T. MĀKÖS 5:14

Ngaich yik maha-ôkö u nö falngöre; ngaich ve-eny e nö im panam, i tavat inrē. Ngaich cha-a nö yihtöre nö ngëichkö inlahen ök töngati.