T. MĀKÖS 4:5 - TÖHET LĪPÖRE (Re-edited) Bible (BSI)

⁵ Fukkui ihong nup tahëng, i chūök tötpōiyen tumlat. Ilööṙen ngaich nö meuinylö, pòn öt aṙū-uti tumlat.

T. MĀKÖS 4:5 Referans Kwoze

ISIKĪ-ĔL 36:26

Ngaich chū-ö min kētö tufömngöre ellōn yīö, tufömgöre inrē ma-alaha ṙahātö chu min lātuhēt in yīö; ngaich chū-ö min ṙā-ang im alaha yīö kēngö ngam ihong ellōn kē-ĕkūö yīö inrē tö alaha ellōn.

T. LŪKÖS 8:13

Nup mi-i kui ihong, cha-a yip hamang, ngaich ṙāmölōn sin nö hōḵo ngam ṙô, ötṙēhĕvö pöri cha-a; yip töng rahëichtaṙen nö ṙātö ellōnre, ngaich ṙāngenre, hē el kanihngen.

T. LŪKÖS 8:6

Rēvre nup famuk kui ihong; sīöplöre anū-ö, ngaich nyangngö pò u nö öt nyôp.

AMŌS 6:12

Fal nup min kōra nö I kui ihong? Hĕng tak hòng min kumköh chūök taneūich nö holtö kōiy nuā? Yī-ö mahavāngtö inkaha fālen im tö-angū öṅvö, öp ṙòng lanöökö inrē nö im tö-angū-öṅvö.

ISIKĪ-ĔL 11:19

Ngaich chū-ö min kē-ĕkūö cha tö töhĕng ellōn, ane inrē kēhöt tufömngöre ma-alaha nö in cha; kēngö öp ihong chin min fanöinylö nö ṙā-ang el alaha cha kē-ĕkūö cha inrē tö alaha fanöinylö.

T. MËTIV 13:20

Anga-aṅ ön ngòh inrē töteūichtu nö el tö-ihōngu ngòh hamang ngam ṙô,ngaich iṙūö kē-ĕ e, nö ṙāmölōn.

HŌSĪ 10:12

Teūich tö e inrē im lanöökö, uvòh sā ngam miṙēlōn liruklö ngam tumlat meh töt kuköhö; tön ṙētak chinöhö ngam Mā Tēv an nö ngaich, hanöng saha yanīhih ò nökumṙahtö lanöökö nö i kui yīö.

T. MĀKÖS 4:4

Ngaich hē ò nö teūich, rēvre nup kulöl ngaich famuk taseū talöökö. Yihtöre ngaich nup chehechōn, nö nyāḵngö u.

T. MĀKÖS 4:6

Ngaich yē ngam tavūöi nö meutlö, ngaich harātö u, nyangngö ngaich anū-ö, pòn öt ṙēhĕvö.