T. MĀKÖS 4:41 - TÖHET LĪPÖRE (Re-edited) Bible (BSI)

⁴¹ Ngaich cha-a nö pōi pinhe-eṅkūö; ngaich ngö ṙô tö höö, Achīö Ang min ngòh, tö uroh nö hāngö chöngö tö kuföt, mai inrē?

T. MĀKÖS 4:41 Referans Kwoze

T. LŪKÖS 8:25

Ngaich ngö ṙô Anga-aṅ tö cha, Isuh ap mikah yīö? Pa-ekūö ngaich cha-a, hĕnghöre pingangkūö; ngaich ngö ṙô cha-a tö höö, Achīö angvö ngòh tamölṙô ngam kuföt, ngam mai inrē ngaich hāngö ṙô.

NGAM LĪPÖRE YŌP 38:11

Öich ngö ṙô, Ngö tölngö man yih, um ṙūhötre, ihih inrē min ngam mahūvö meh mahakeūlenre nö sök- ngöre?

T. MËTIV 8:27

Ngaich yik tarik nö pingangkūö; ngaich ngö ṙô. “Tösitih ang ngòh tarik, tö ngam kuföt, ngam mai inrē, nö uroh nö hang chöngö Ò?”

Salmai 89:7

Yöng pinhe-eṅkūö An ngam Tēv, nö i manūlö yip töhet: tö pahe-evö inrē nö mötlö tö cha yip mahavīlen Ò.

1 SAMUĔL 12:24

Höng ngam Mā Tēv an yēḵ pinhe-eṅkūö yīö, kô-en inrē lök la-en ò keuheūttö ellōnre: öi ngëichkö ṙôkhöl tī ò nö in yīö.

INMEUKHÖMAT 15:4

Achiāp töt pa-ekūö, Ō Mā? Achiāp töt mahapōilö ngam minë-eny meh inrē? Tö meh höng me-eṅ töhet, pòn ṙòkhöre min vē pumnāmö tarik nö yih ngaich salām nö ikūö meh; pòn hameuktu nö ngaich nuk lanöökö la-en meh.

T. MĀKÖS 5:33

Ngaich pöri ngam kikānö nö pa-ekūö, kichëyöre inrē, pò ò nö akahangenre nö ngaich; yihtöre ngaich, nö afukngöre nö i kūö Ò. Ngaich ve-eny re nö kô-òṙô.

HEPRĀI 12:28

Lökten, sā hī ngaich teūngen tö ngam pūlngö töt kanyinken, ta-a töi ha-öiny, hòṅ hī kētö ngam la-en ṙanāmölōn ngam Tēv holtö ṙanāmölōn, pinhe-eṅkūö inrē;

T. LŪKÖS 4:36

Pingangkūö ngaich më taṙòkhöre, ngaich ngö ṙô cha-a tö höö, tösitih öng ngih ṙô, tö Ò nö holtö chöngöre nö tölṙô më tötlöök sī-ö, ngaich kunyī-inyre cha-a.

T. MËTIV 14:32

Ngaich hē cha nö yôklö nö el kupòk, ṙāngenre ngaich ngam kuföt.

MALAKI 2:5

In ò an ngam kinlēḵngô chu nö nômö lanāmö inrē; ngaich chū-ö kētö u in ò hòṅ ò nö pa-ekūö, ngaich pa-ekūö anga-aṅ tö chu, söklöre inrē nö ngāng alaha tö minë-eny chu.

T. MĀKÖS 7:37

Ngaich cha-a nö ngö ṙô, i ṙôken pinngangkūöre, Lööken tī An tö taṙòkhöre; vīten töthang An nö hang, tötkôn ṙô-òv inrē nö ṙô-òv.

T. MĀKÖS 4:40

Ngaich ngö ṙô Anga-aṅ tö cha, Kūöyòh öi ngatī pinhe-eṅkūö? Öl öi mikahavö?

T. MĀKÖS 5:1

Chalô cha-a ngaich nö im tahëng lā kaha ngam mai, ip panam Keresēn.