T. MĀKÖS 4:39 - TÖHET LĪPÖRE (Re-edited) Bible (BSI)

³⁹ Choholre ngaich Yēsū, ngaich vëkö ngam kuföt; nö ngö ṙô tö ngam mai, Heūheure; um halöinyköre. Ṙāngenre ngaich ngam kuföt; ngaich kalūöng takô angū-ö.

T. MĀKÖS 4:39 Referans Kwoze

Salmai 107:29

Vītö ngam chanôchö Anga-aṅ nö kalūöng: lökten minë-el mai nö öt halöinyköre.

Salmai 89:9

Hayōm ngam inkeūlen ngam mai Man ngaich: yē minë mahūṅvö nö sëònglöre, ngaich pichöömtö u Me-eṅ.

Salmai 65:7

Tamahngö inyôṙö ṙô në mai: inyôṙö në mahūvö u, tinṙōlen tarik inrē.

Salmai 29:10

Ūichhaka an ngam Mā Tēv nö i kui tötöh nö sā rācha: hòṅ, sā rācha an ngam Mā Tēv nö örheūheu nö ūich-haka.

YERIMIĀ 5:22

Öt pa-ekūö öyih tö chu? ṙô ngam Mā Tēv. Röh öyih kichëyöre i kūö chu? Ṙātö ngam kuyāyö chin ngaich nö tölngökūö ngam mai, töt chanūhuvṙen nö inrahkūö ap öt kanô-òṅ e nö havāngngöre; pòrô minë mahūvö nö pavlöre, ötkô pöri anū-ö, pòrô anū-ö nö ṙënuṙô, ötkô pöri nö havānglöre tö e.

INCHŌḴ-OṘÔ 8:29

Hē Ò nö halēnngö tölngökūö ngam mai, pòn sōtu ngam mak nö tôchngen tö chöngö ò, hē Ò nö mikahngö chūök rööntö ngam tumlat,

Salmai 148:8

Tameūyö, tökumul kumṙah inrē tacham tökënngöre, hanusngö inrē: kuföt chanôchö, hateungngö ngam ṙô Ò.

NGAM LĪPÖRE YŌP 38:11

Öich ngö ṙô, Ngö tölngö man yih, um ṙūhötre, ihih inrē min ngam mahūvö meh mahakeūlenre nö sök- ngöre?

MANEUTNYI 14:22

Lök ellōn ngam mai yik kūön Israĕl nö kiröön nö el tanyô: ngaich minë mai nö rananglö cha lā hāmö cha, lā tavē cha inrē.

T. MĀKÖS 9:25

Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

MANEUTNYI 14:16

Hachônglö ngam tinkungre më-eṅ hateutnyö këlre inrē i kui ngam mai, harēvö e: hòṅ më kūön Israĕl min nö lök ellōn ngam mai nö el tanyô.

T. LŪKÖS 4:39

Söklöre ngaich Anga-aṅ nö la kui ò, ngaich vëkö ngam vanūöyö ò; ṙā-ai ngaich anga-aṅ tö e. Ilööṙen ngaich anga-aṅ nö choholre, nö meukṙen cha.

NAHOM 1:4

Vëkö ngam mai anga-aṅ, ngaich vīten e nö nyôngö, hanyôngö nup tahël inrē; öt kalē-en ngaich Pāsan, Kārmel inrē ap pūl inrē Lëpanön nö nyīkngö.

INRĀMÖRE 3:31

Pò ngam Mā min nö öt urā-angtī nö kavalhanga,

T. MËTIV 8:26

Ngaich ngö ṙô Anga-aṅ tö cha, “Kūöyòh öi pa-ekūö, Ō yī-ö tökūöṅnö mikah?” Choholre Anga-aṅ, ngaich vëkö ngam kuföt, ngam mai inrē; ngaich kalūöng takô.

T. MĀKÖS 4:38

Ngaich Anga-aṅ nöng lārit nöng haṙòh nö el tinnyik; ngaich kilanglen Ò cha-a, nö ngö ṙô; Mahaköphöti; öt chumkūöṙen Öm tö hī ötkôlò?

T. LŪKÖS 4:35

Ngaich ngö ṙô Yēsū nö vëken ò, Ṙāngôre mana; kunyī-inyre öm ṙā-ang in ò. Ngaich hē ngam sī-ö nö afukngen ò, nö el ṙôngö, kunyī-inyre ngaich anga-aṅ nö ṙāngen ò; höng öt chökhuṙen tö ò.

T. LŪKÖS 8:24

Yihtöre cha-a nö in Ò nö kilanglen Ò, nö ngö ṙô: Mahaköhöti, Mahaköphöti, ötkôlò in. Ngaich choholre anga-aṅ, ngaich vëkö ngam kuföt, ngam ëlmai inrē; ngaich ṙāngenre anū-ö, ngaich kalūöng.