T. MĀKÖS 4:32 - TÖHET LĪPÖRE (Re-edited) Bible (BSI)

³² Yē e pöri nö teūichtu, sīöplö ngaich; ngaich tökiröngkūö në tö nya-aṅ chōn. Sīöpnyöre pak ngaich tö tökiröng; ngaich nup chehechōn nö kô-òren nö hanyatlöre nö el katòh rōi ò.

T. MĀKÖS 4:32 Referans Kwoze

Salmai 91:1

Ngòh mi-iyöng el ngam tönyatngö chūök ngam Lamātulöng: köp min nö el katòh nyat ngam Tökeuheūttöre Chöngö.

INRĀMÖRE 4:20

Nup unhômö elmeh hī, ngam töhachāmö kui tö ngam Mā Tēv, nö kētu nö el anūlö cha, anga-aṅ ngam ṙô hī ṙung, Iyöng elkatòh sanëôk ò in min in yip pumnāmö tarik.

Isayā 32:2

Ngaich min öp tarik nö sā chūök innyatlö tö kuföt, innyatlö inrē tö chanôchö panam; sā nup tahël mak i tönyôṙökūö chūökö, sā nyat öp tökiröng ihong ip tö cheingö panam.

Isayā 11:9

Hö-ö cha-a min nö chök öt rēhĕn nö kapah nö i kui minë töhet rôngö chu: pò ngam panam min nö tööḵlö tö inkaha aṅ im Mā Tēv, sā minë mak nö hatööḵlö ngam mai.

Sòlòmön 2:3

Sā ēpöl chōn i nup chōn el inchōn ngatī ngam hanāngen chu i ṙāl tarik. Uichngöre chin elnyat, pachāka nup ṙòng ò inrē tökūö chu.

INCHŌḴ-OṘÔ 4:18

Öp kanröönö tölöök pöri sā minlīlö peuheū, öp töyanglöre yanāngö inrē söl ip sakāmö.

Salmai 104:12

In u nup chehechōn el taṙul nö chūökuvö: tikökṙôre nö i rōi nup pak.

ISIKĪ-ĔL 17:23

I kui rôngö Israel chin min teūichtö e, hòṅ e min nö sīöpnyöre pak ngaich ṙônguvö, ngaich vītöre nö tökôlò sītör chōn, ngaich elkatòh ò min nup töṙeūla töṙōlkangen nö iyöng; elnyat rōi nup inrē nup fôngö töṙōlkangen chehechōn.

T. MËTIV 13:32

Öp manā-aṅgkūö ṙôngòng në taṙòkhöre kulöl, yĕ e pöri nö teūichtu, ngaich tö kiröng kūö nup kun chōn ngaich pōyö nö chōn; ngaich nup chehechōn nö kiteūtöre nö i rōi ò.

T. MĀKÖS 4:31

Sā öp kun kulöl an, yē e nö teūichtu nö el tumlat, öp tö pòrô nö manā-angkūö në kulöl nö ṙòkhöre me-el tumlat;

T. MĀKÖS 4:33

Pōiyen nup tö ngatī inchōḵoṙô Ò tö cha, ip tölngö kanô-òṅ cha nö hāngö u.