T. MĀKÖS 4:31 - TÖHET LĪPÖRE (Re-edited) Bible (BSI)

³¹ Sā öp kun kulöl an, yē e nö teūichtu nö el tumlat, öp tö pòrô nö manā-angkūö në kulöl nö ṙòkhöre me-el tumlat;

T. MĀKÖS 4:31 Referans Kwoze

INLAHEN 19:20

Yöng pinrātngö ngam ṙô ngam Mā Tēv, nö mihôiṅ.

MALAKI 1:11

Pò e nö löktökūö maneutlö ngam tavūöi söl im maneuttö ò ngam minë-eny chu nö kiröng nö in yip tahëng mihëṅṙö tarik; ane inrē keuheūtngöre chūök lōpān nö kētu nö I minë-eny chu, töhet inrē tökētu: pò ngam minë-eny chu nö kiröng nö in vē tahëng mihëṅṙö tarik ṙô ngam Mā Tēv yip tömaṙôngö

INLAHEN 21:20

Ngaich hē cha nö hāngö e, ngaich ha-öiny ngam Tēv cha-a; ngaich cha-a nö ngö ṙô tö Pôl, Kahōlö, akahalōn man tö yip ṙamātö ellōnre Yahūti nö ṙōl köṅny; ngaich ṙòkhöre cha-a nö hòṅ haköp kuire.

INLAHEN 5:14

Ṙūötöre ṙôngö inrē yik ṙamātö ellōnre nö im Mā, hĕnghöre kikōnyö, kikānö inrē.

INLAHEN 4:4

Maṙôngö pöri yikhamang ṙô yik tanīnöṙô, ngaich ṙātö ellōnre; ngaich yik tarik lohten nö taneui köṅny tum tak.

INLAHEN 2:41

Ngaich yik hamôḵòṅ ṙô ò nö vōkö; ngaich hē ök sakāmö angū-ö; nö lūöi köṅny yik tarik töṙūötuṙen nö in cha.

SAKARIĀ 12:8

Ip sakāmö angū-ö min ngam Mā Tēv nö laklö yip aṅ Yērusalem; ngaich anga-aṅ öp tötkalē-en in cha ip sakāmö angū-ö min nö sā Tāvit; ngaich ngam patī Tāvit min inrē nö sā ngam Tēv, sā öp ma-ahānga aṅ im mā Tēv nö i kūö cha.

SAKARIĀ 2:11

Ngaich maṙôngö min pumnāmötarik nö hamūltöre nö im Mā Tēv ip sakāmö angū-ö, ngaich nö tarik chu min inrē: ngaich chū-ö min iyöng ellōn meh, ngaich akahalōn min me-eṅ tö ngam Mā Tēv yip tömaṙôngö nö tīnten chu in meh.

Isayā 60:22

Öp manā-angkūö tökūöṅnö min vītöre nö yöngkūö minyöngö tarik, öp tökūöṅnö inrē tökalēḵ nö pumnāmö tarik; chū-ö chin Mā Tēv; kumeuiten e chin min ip hē e.

Isayā 53:12

Lökten chin min michööḵ an tö minchööḵö tökiröng, ngaich anga-aṅ min inrē nö michööḵ pôḵ nö in öp tökalēḵ; pò ò nö vōknyö aṅ i nômö re nö im kinpaha, kaheuktuvö inrē anga-aṅ nö i tötlöök; sön anga-aṅ nö keun tökööl tömaṙôngö, ane inrē ve-elkui tököölö fālen.

Isayā 53:2

Pò ò nö sīöplö nö i kūö ò nö sā tö-ayal chōn, sā ṙĕh inrē nö sīöplö nö löklö el tönyô tumlat; öt sāta ana hēk ötvāyö mineūkö inrē, töp lökten hī hòṅ ngëichken ò, ane inrē öt löökö sanöökö töp lökten hī hāngenlōn tö ò.

Isayā 9:7

Aṅ im töṙūölöng ṙôken inyöngö aṅ im lanāmö inrē nöng öt chanūhuvṙen, nö el kantēra Tāvit, i kui ngam pūlngö ò inrē, nö haköpngö e, ṙapkö e inrē nö aṅtī tö inkaha fālen aṅtī tö lanöökö inrē löktökūö ing töngamuh höng örheūheu. Ngam kumlēḵlōn aṅ im Mā Tēv yip tömaṙôngö min mahateungten e.

INMEUKHÖMAT 11:15

Föö ngaich ngam sinat tak Ma-ahānga; tömörit tök yöng ṙënṙô el halīöngö, ngaich ngö ṙô chā-a, Vītöre an ngam pūlngö ngih panam nö pūlngö ngam Mā hī, pūlngö ngam Kristū Ò inrē. Ngaich anga-aṅ min nö hayöng nöng örheūheu.

T. MĀKÖS 4:30

Ngaich ngö ṙô Anga-aṅ. Sitih tī öi min asātö ngam pūlngö ngam Tēv? Asuh öp min inchōḵoṙô hī tö e?

T. MĀKÖS 4:32

Yē e pöri nö teūichtu, sīöplö ngaich; ngaich tökiröngkūö në tö nya-aṅ chōn. Sīöpnyöre pak ngaich tö tökiröng; ngaich nup chehechōn nö kô-òren nö hanyatlöre nö el katòh rōi ò.

T. LŪKÖS 17:6

Ngaich ngö ṙô ngam Mā, Yē yīö höng sā kun kulöl ṙôken mikah, ngaich kô-òren yī-ö ngö ṙô tö ngòh tökiröng chōn, Taṙĕhĕi man yĕh; ngaich teūichtöre öm el mai; ngaich kô-òren anga-aṅ nö hang ṙô yīö.