T. MĀKÖS 4:3 - TÖHET LĪPÖRE (Re-edited) Bible (BSI)

³ Hangihtöre yin. Yĕh meuk ngam tameūich nö kiröönngöre nö teūich.

T. MĀKÖS 4:3 Referans Kwoze

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

T. MËTIV 13:26

Hē maneuinylö rōi pöri, ngaich ṙônguvö; möl minë tötkôlò chōn inrē nö meūkö.

I. CHÖNGÖ 4:1

Yĕh pöchö, Ō Israĕl, hangihtöre tö në chöngö tö në inkaha fālen inrē, në inköptö meh tö chu, öm la-evṙen tö u; hòṅ meh aṅ, ngaich kuhēthötre amīnu tö ngam panam ngam kahëtö ngam Mā Tēv yik muvöhngö yīö, nö in yīö.

INMEUKHÖMAT 2:29

Ngòh tö elnānguvö, hökngen ò nö hangihtöre tö ṙô ngam Töhet Fanöinylö tö në māṅ.

INMEUKHÖMAT 2:11

Ngòh tö elnānguvö hökngen ò nö hangihtöre tö ṙô ngam Töhet Fanöinylö tö në māṅ, Anga-aṅ ngòh tömihôiṅ, öt chök min tö kūö ngam innëtö kinpaha.

INMEUKHÖMAT 2:7

Ngòh tö-elnānguvö hökngen ò nö hangihtöre tö ṙô ngam Töhet Fanöinylö, tö në māṅ. In Ò ngam tömihôiṅ, anga-aṅ tö kē-ĕvkūö min tö chu nö nyā ṙòng ngam chōn nômö, ngam me-ël ngam Peretāis ngam Tēv.

INLAHEN 2:14

Söklöre pöri ang Pītör, nö holtö yik tö kahuk sīön; ngaich hūḵnyôre nö ve-ekūö cha, nö ngö ṙô, Yī-ö tarik aṅ Yūtā, yī-ö taṙòkhöre inrē mī-i Yerūsalem; akahalōn yin yēḵ tö ngih; hangihtöre inrē tö ṙô chu.

T. MĀKÖS 4:23

Hökngen ngòh tö elnānguvö nö hang.

T. MĀKÖS 4:14

Teūichtö ngam ṙô an ngam tameūich.

T. MĀKÖS 4:9

Ngaich ngö ṙô Anga-aṅ, Ngòh tö elnānguvö, hökngen ò yēḵ nö hang.

T. MËTIV 13:24

Ngih inrē tahëng inchōḵoṙô Ò tö cha; Sā öp töhĕng tak an tarik, ngam pūlngö ngam halīöngö, öp tameūich tö tölöök kulöl nö el panô-ôṅre.

T. MËTIV 13:3

Ngaich Anga-aṅ nö inchōḵovṙô nö ve-ekūö cha, nö ngö ṙô Yĕh meuk ngam tameūich nö kiröönngöre-nö teūich.

Isayā 46:12

Hangihtöre tö ṙô chu, yī-ö töngë-eṅ ellōn, öi tömarôvat tö lanöökö:

Isayā 46:3

Hangihtöre tö ṙô chu Ō patī Yāköp, ṙòkhöre inrē chööḵṙen aṅ patī Israĕl, me-eṅ tötayukka tö chu löktökūö finötnyö meh löktökūö el chūök kanūönö öm tētka:

Mumkahten 11:6

Lā peuheū man teūichtö nup kulöl re, lā harap inrē um ṙā-ang tīre; tön öt akahalōn man töp tö kô-òl min, ngòh hēk ngô-a, hēk, yĕn hĕngren nyöre nö tölöök min.

INCHŌḴ-OṘÔ 8:32

Kikōnyö kūön chu, hangihtô chu töngamuh: ṙamölōn yip cha-a tö köp tö talöökö chu.

INCHŌḴ-OṘÔ 7:24

Ō kūön kikōnyö hangihtö ṙô chu töngamuh, kūötenre inrē tö në ṙô elvāng chu.

Salmai 45:10

Ō kikānö kūön, hangihtöre, Ngëicha inrē, asītö elnangre më-eṅ inrē: havaichngöre tö yip tarikre, tö patī ap kikō-nyö yöng meh inrē;

Salmai 34:11

Ta-ih, yī-ö nyīö, hangihtöre tö ṙô chu: hòṅ haköpten meh chin tö pinhe-eṅkūö tö ngam Mā Tēv.

T. MĀKÖS 4:2

Ngaich ṙōlö ṙô Anga-aṅ nö haköpten cha, nö inchōḵovṙô; nö ngö ṙô tö cha, nö i inköphöti,

T. MĀKÖS 4:4

Ngaich hē ò nö teūich, rēvre nup kulöl ngaich famuk taseū talöökö. Yihtöre ngaich nup chehechōn, nö nyāḵngö u.