T. MĀKÖS 4:26 - TÖHET LĪPÖRE (Re-edited) Bible (BSI)

²⁶ Ngaich ngö ṙô Anga-aṅ Sā öp tarik an ngam pūlngö ngam Tēv, tamūingö kulöl nö el tumlat;

T. MĀKÖS 4:26 Referans Kwoze

T. MËTIV 13:24

Ngih inrē tahëng inchōḵoṙô Ò tö cha; Sā öp töhĕng tak an tarik, ngam pūlngö ngam halīöngö, öp tameūich tö tölöök kulöl nö el panô-ôṅre.

T. LŪKÖS 8:11

Ngih öng kòl inlahen ngam inchōḵoṙô, Ngam kulöl an, ṙô ngam Tēv.

T. LŪKÖS 8:5

Kiröönngöre an ngam tameūch nup kulölre. Ngaich hē ò nö teūch, rēvre nup famuk taseū talöökö, ngaich rööntukui anū-ö, yihtöre nup chehechōn inrē nö sòkngö u.

YĀKÖP 3:18

Ngaich ngam kulöl lanöökö nö teūichtu nö im lanāmö tö cha yip vamī lanāmö.

T. YÔHAN 12:24

Tökô-ò ṙô Chin tö yīö, Yē ngam kulöl saīny nö fuk el tumlat, nö öt chahū-uyö; ngaich höngngöh angū-ö, min nöng kahngenre. Yē e pöri nö chahū-uyö, ngaich pōyen ṙòng.

Isayā 32:20

Tökôlò yin yī-ö tameūich i taseū mak, samöömtö kalröön nuā köttö inrē.

Mumkahten 11:6

Lā peuheū man teūichtö nup kulöl re, lā harap inrē um ṙā-ang tīre; tön öt akahalōn man töp tö kô-òl min, ngòh hēk ngô-a, hēk, yĕn hĕngren nyöre nö tölöök min.

Mumkahten 11:4

Anga-aṅ ngòh ngamëichngö kuföt öt teūich min, anga-aṅ inrē ngòh mameuk taṙul öt uvòh min.

INCHŌḴ-OṘÔ 11:18

Ngòh tötlöök tarik hayih raneushö tö michūḵṙen, ngòh tameūchtö lanöökö pöri kētö kô-en raneushö.

T. LŪKÖS 13:18

Lökten Ò nö ngö ṙô, Sā yòh öng ngih pūlngö ngam Tēv; Sitih tī Öich min asātö e?

T. MËTIV 13:33

Ngih ön tahëng inchōḵṙô Ò tö cha: Sā tö-aföhlöng an ròtī ngam pūlngö ngam halīöngö; öp tö kē-ĕ töp kikānö öp tölūöi nyanum atra tökahultukui, hanöng saha fanöhlö e nö keuheūtlöre.

T. MËTIV 13:31

Ngih inrē tahëng inchōḵ-o-ṙô Ò tö cha, Sā öp kun kulöl an ngam pūlngö ngam halīöngö; öp tö kē-ĕ töp tarik, ngaich teūichtu nö el panô-òṅ.

T. MËTIV 13:11

Ngaich ngö ṙô Anga-an, nö sapṙô cha, Yī-ö yin tökē-ĕvkūö, pòi hōtu akahalōn tö nup ötmikahkūö sin, aṅ im pūlngö ngam halīöngö; rö-ö an nö kine-eṅkūö cha.

T. MËTIV 13:3

Ngaich Anga-aṅ nö inchōḵovṙô nö ve-ekūö cha, nö ngö ṙô Yĕh meuk ngam tameūich nö kiröönngöre-nö teūich.

T. MËTIV 4:17

Hēten tö e, Yēsū nö rĕhtenre nö mikahaten, nö ngö ṙô, “Havöötö ellōnre yin; tön röhta an ngam pūlngö ngam halīöngö.”

T. MËTIV 3:2

Havöötö ellōnre yin; tön röhta an ngam pūlnga ngam halīöngö.”

T. MĀKÖS 4:25

Ngòh tö īnu, anga-aṅ min tö kē-ĕvkūö. Ngòh töt īnuvö pöri, kē-ĕyö min öp töng mi-in ò.

T. MĀKÖS 4:27

Ngaich haṙòh tö hatööm, choholre ngaich tö peuheū. Meuinylö ngaich minë kulöl, nö sīöp; öt akahalōn pöri anga-aṅ tö inlahen u.