T. MĀKÖS 4:24 - TÖHET LĪPÖRE (Re-edited) Bible (BSI)

²⁴ Ngaich ngö ṙô Anga-aṅ tö cha, Haṙēmngenre yin tö nup ahangre. Öp kinlaha tī yīö tö e, angu-ö min kinlaha yīö; ṙūötuṙen kine-eṅkūö yī-ö min.

T. MĀKÖS 4:24 Referans Kwoze

HEPRĀI 2:1

Lökten in hòṅ mötlö kumlēḵlōn, öi hakūötö kūöre tö nuk tö ngaich ahangre, hòṅ hī öt amahaiṙen hëmngö ṙā-ang in u.

T. LŪKÖS 8:18

Haṙēmngenre yin lökten, tö nup ahangre; tön ngòh tö-aṅhaṅv-in, ngaich anga-aṅ min tö kē-ĕvkūö; ngòh tötaṅhaṅv-in, ngaich kē-ĕyö min nö in ò öp töng mi-in ò, tö lōn ò.

T. MËTIV 7:2

Pòn Sā ṙô yīö kahôka, ngatī kinṙòkken min yī-ö. Ngaich yē nup kinlaha tī yīö, anū-ö min kinlaha yīö.

INLAHEN 17:11

Töakaha yik cha-a tö yik aṅ Tösalònikē; pò cha nö lēnö ellōn nö hōḵo ngam ṙô, örhĕnghang sumkam nö ngëichkö mat līpöre, yē u anū-ö nö tökô-en.

2 KÒRIN 9:6

Ngih pöri ṙô chu, anga-aṅ ngòh tö kūöṅnen taneūich, ngaich kūöṅnen hamūl min inrē; ngaich anga-aṅ ngòh tö pòyen taneūich ngaich pōyen hamūl min inrē.

T. YÔHAN 10:27

Hang ṙô chu, nun në pököre Chu; akahakūö Chū-ö inrē tö u: tömrit Chu anū-ö inrē,

INCHŌḴ-OṘÔ 19:27

Kūön chu, ṙā-angre i hināngö inköphöti në töng lanô-òṅkūö ṙā-ang i nup ṙô mikah.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

T. YÔHAN 5:25

Tökô-ò ṙô Chin tö yīö, Yih an ngam ṙētak, ihih an töngamuh; hē vē tökapah min nö hang ṙô ngam Kūön ngam Tēv; ngaich cha-a yip hamang nö aṅ min.

T. MĀKÖS 9:7

Ngaich teungtöre ök taṙul nö hanyattökui cha; ngaich hĕng ök ṙô lamöktö el ök taṙul, tö ngö, Hanāngen Chu Ön ngòh nö Kūön Chu; hang ṙô Ò yin.

T. YÔHAN 10:16

Kēḵngö nômöre Chin kūö në pököre. Pökörevö Chin tö tahëng; nup töt aṅ ngih kiteūm. Anū-ö nup inrē hachōkūö Chu, ngaich hang ṙô Chu min anū-ö; ngaich hĕng kiteūm nö elkatòh ngam töhĕng tak Yōmpököre.

1 YÔHAN 4:1

Kahōlö, un ṙātö ellōnre i töng ma-alahaṙa, kalah yip ma-alaha pöri yē cha nö aṅ im Tēv; tön pōyen yik nö ngaich töminyôiny pròfĕt nö chuh i në panam.

1 PĪTÖR 2:2

Sā tufömnyöre fötö tëṅnö nyīö, ngam töt īnu tö inchīlö, hòṅ yīö löklen in e sīöplö im inyööken;

YERIMIĀ 17:21

Ngö ṙô an ngam Mā Tēv: Haṙēmngenre chöḵönytö nup nômö yīö, un keun kūmö hē el anôilö sakāmö hēk un kēhĕt e nö lökhöt nup inkūp Yērusalem.