T. MĀKÖS 4:19 - TÖHET LĪPÖRE (Re-edited) Bible (BSI)

¹⁹ Ngaich ngam pinṙūtölōn aṅ ngih panam, inchīlö inrē tö kanôlò, nup lōn inrē tö tökeuheūttöre, nö meuthöt; harāingökui ngam ṙô, ngaich öt ṙônguvö anū-ö.

T. MĀKÖS 4:19 Referans Kwoze

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

FILIPĪ 4:6

Un piṙūtkuvö; i nup tökeuheūttöre pöri, höng i vinë-ekūötēv, vinë-elkui inrē, holtö nöinyö, öi mikahtölōn ngam Tēv tö nup havëkö yīö.

T. MËTIV 19:23

Ngaich ngö ṙô Yēsū, tö yik haköptöre, Tökô-òṙô Chin tö yīö, Kihngen yin vē tökôlò tarik nö kuhēthötre nö im pūlngö ngam halīöngö.

T. YÔHAN 15:2

Ngih pak in Chu tötṙônguvö, fāngi angū-ö tö Ò; ngih pak töṙônguvö ahatlöng tö Ò, pòn hōtu nö ṙuhölre ṙòng.

T. LŪKÖS 21:34

Haṙēmngenre pöri yī-ö, hòṅ nup ellōn yīö nö öt lumngantu tö sinṙākngen hinyōyö, ane inrē finëken ngih nômö; ngaich ilööṙen yanihih angū-ö sakāmö nö in yīö, nö sā inchīlö.

T. LŪKÖS 10:41

Ngaich ngö ṙô ngam Mā, nö sapṙô ò, Mārta, Mārta; törëtnyi-elmat, ane inrē famëkö tökeuheūttöre chehen.

Isayā 5:4

Asuh öp tö ngaich tī chu i ngam panô-òṅ vāin chu, öp tö-öl töre nö tī chu in e? Hē chu meūkken e nö ṙôngu, kūöyòh ngaich angū-ö nö ṙòngtö töng öt kôlò?

Isayā 5:2

Ngaich anga-aṅ nö ul talöökö mak nö havīlö e, ngaich hamūl nup ihong umuh ngaich teūchtö aṅ e tö tö atöllöngö vāin, ngaich vīlö chūök chamônga nö ellōn e ngaich ël e inrē nö hulhöt kinrān vāin: ngaich meūkken re anga-aṅ tö e min nö ṙôngu aṅ, ngaich angū-ö nöng ṙòng tö tötkôlò.

2 PĪTÖR 1:8

Pò në yē u nö amin yīö, nö pōyen, ngaich öt vīten yīö anū-ö öi ṙahata, öt rēhĕn öt ṙônguvö im mikah aṅ im Mā hī Yēsū Kristu.

2 TIMÒTĪ 4:10

Tön ṙāngen chu ök Tēmas nö ngaich, pòn hāngenlōn töng panam ngih töng töngamuh, ngaich ök nö chuh Tösalònikē: chuh Kalatī ang Krisen, chuh Talamatiā ang Taitös.

Mumkahten 4:8

Hĕng taka öp tarik töt hĕng tak aṅ in, tö kikōnyö kūön hēk öt rēhĕn kikōnyö kūön hēk hanöng löknyö, sön pöri nö öt ṙanānguṙen nup la-en ò, nup mat ò inrē öt hētu nö tööḵngen tö kanôlò, lökten ò nö öt hētu nö hatön, chööḵnyen tö chīö öich lā-evṙen harööḵngenre inrē tö minyam? Angū-ö an inrē chanök alaha töt ṙanāmölōn lā-en.

NGAM LĪPÖRE KAHŪICH YŪT 1:12

Acha-a yin vē ihong tö nyöptikui im nyina-aṅ hanāngenlōn tö yīö, yē cha nö holkūö yīö, yōm pököre töng maha-aṅhaṅlre, töt īnu tö pinheṅ-eṅkūö; taṙul töt aṅhaṅv tö mak, kumröön kuföt nöng heuingö; chōn el anöhtökūö chuhöt töt ṙônguvö, nët tum nö kapah, nyòklöngö nö holtö ṙĕhre;

T. MËTIV 3:10

Ngaich an ngam hanīöng nö ṙātu nö i rööntö nup chōn ṙòkngöre nup chōn tötṙôngu tö tölöök nö kūöltu, ngaich kavalhötvö nö i kūö tameūyö.

INCHŌḴ-OṘÔ 23:5

Yē meh ngëichkö e, ngāichen angū-ö; pò e nöng lūk nöng kitūöngöre, sā matēṙö nö kiteū kū-ö tö el halīöngö.

INCHŌḴ-OṘÔ 23:4

Um harëtnyö elmat re öm hòṅ teūngen tö kanôlò; akaha sòk lākö e.

T. MËTIV 13:22

Anga-aṅ ön ngòh töteūichtu nö el töchökhukūö hamang ngam ṙô; ngaich nup pinṙūtkö ngih panam inchīlö tö kanôlò inrē, nö harāingökui ngam ṙô; ngaich öt ṙônguvö anga-aṅ.

T. MĀKÖS 4:18

Tahëng yin vē töteūichtuvö nö el töchökhukūö: cha-a yin vē hamang ngam ṙô;

RŌMA 12:2

Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

EFISÖS 2:2

Lahök yīö sin lā-urĕh, asā inlahen ngih panam, asā ngam mā ngam minhôiṅyö ngam kuföt, ngam sī-ö töla-evṙen töngamuh i yip kūön minôṙô;

EFISÖS 6:12

Tön rö-ö in lā-al alaha, mahām inrē, öi tirīp; lā-al tö yip taṙòkhöre pöri sī-ö, yip mahayöng ngih sinngūlö lā-al yip tömaṙôngö tötlöök sī-ö lātulöng.