T. MĀKÖS 4:15 - TÖHET LĪPÖRE (Re-edited) Bible (BSI)

¹⁵ Cha-a yin vē mi-i taseū talöökö, chūök ngam ṙô nö teūichtu, ilööṙen ngaich Sātān nö yihtöre, nö kēḵngö ngam ṙô tö teūichtuvö nö in cha.

T. MĀKÖS 4:15 Referans Kwoze

1 PĪTÖR 5:8

Hayöngöre yin: höngöre. Tön havötköre an ngam sī-ö, ngam tökunyahaṅ elmat tö yīö, nö sā ṙôktô lāyön, nö chöh ap kahā-angre.

T. MËTIV 13:19

Yĕn hĕng tak öp hamang ngam ṙô ngam pūlngö, ngaich rö-ö nö akaha-elnang tö e; ngach yihtöre ngam tötlöök nö kēkngö nup töngaich nö teūichtu nö ellōn ò. Anga-aṅ an töteūichtuvö nö i taseū talöökö.

2 KÒRIN 2:11

Hòṅ Sātān nö öthatūiṙenre nö kēḵ kanô-òṅre nö in hī: tön rö-ö in öt akahalōn töp milichngen tī ò.

T. LŪKÖS 8:12

Nup mi-i taseū talöökö, cha-a yip hamang yihtöre ngaich ngam sī-ö, nö kēḵngö ap ṙô nö ellōn cha; pòn sōtu cha-a nö ṙātö ellōnre, ngaich hayöökaṙen.

T. MĀKÖS 4:4

Ngaich hē ò nö teūich, rēvre nup kulöl ngaich famuk taseū talöökö. Yihtöre ngaich nup chehechōn, nö nyāḵngö u.

INLAHEN 5:3

Ngaich ngö ṙô Pītör tö ò, Ananī; Sitih ang ngam Sātān nö hatööklö ellōn meh, öm hōtu minyôinyaṅ i ngam Töhet Fanöinylö, ngaich ròngti hayunngö tö ṙāi ök taṙeū?

Isayā 53:1

Achīö ap ṙamātö ellōnre nö i në ṙô tö ngaich nö hāngö tö ih? In chīö öng inrē nö ngaich ngam kël ngam Mā Tēv nö hameuktu?

INMEUKHÖMAT 20:10

Ngaich ngam sī-ö ngam mahachīlö cha nö suktu nö ël ök tötöh tameūyö töhū ihong inrē, ël e inrē öp töṙeūla, töp töminyôiny pròfĕt inrē; örheūheu cha-a min nö haṙeika tö ngam töchökhu ötinkôlò, sakāmö, hatööm inrē.

INMEUKHÖMAT 20:7

Ngaich hē minë tö hĕng köṅny samyeūheu nö keuheūt, ṙānyu ngaich min Sātān nö ṙā-ang ël öp kinlōngöre,

HEPRĀI 2:1

Lökten in hòṅ mötlö kumlēḵlōn, öi hakūötö kūöre tö nuk tö ngaich ahangre, hòṅ hī öt amahaiṙen hëmngö ṙā-ang in u.

2 TÖSALÒNIKĒ 2:9

Ngam tö sā tī sātān yanīhih, nö holtö minhôiṅyö, minkahngö tö minyôiny pinngangkūö inrē.

T. MËTIV 22:5

Ngaich pöri cha-a nöng öt chumkūöṙen tö e; ngaich kiröönngöre cha-a nö i la-enre, hĕng taka chamuh el nôköre, hĕng taka chamuh i nup i nyihköre.

INMEUKHÖMAT 12:9

Suktu ngaich ngam tökiröng tulan, ngam pēch misī, ngam sī-ö, Sātān invëka, ngam mahachīl në taṙòkhöre panam. Suktu anga-aṅ nö el tumlat; hol ò nö ṙòkhöre yip Ma-ahānga ò, nö suktu.

T. MËTIV 4:10

Ngaich ngö ṙô Yēsū tö ò, “Sātan kē-ĕngre man; tön ngö kinūichngö an, Ve-ekūö ngam Mā Tēv man; höng Anga-aṅ lahök la-en meh inrē.”

SAKARIĀ 3:1

Ngaich aga-aṅ nö hameukhö-mat chu tö Yôsuā ök mākūö kūönṙô nö sökhaka nö i kūö ök ma-ahānga aṅ im Mā Tēv, sökhak inrē satān nö lā hāmö nö lā-al ò.

Ranehlö 19:14

Kunyī-inyre ngaich Lòt, ngaich vë-ekūö nak köiny kūönre, nak töhapīhö lang tö nak kikānö kūön ò, ngaich ngöṙô, Chōholre, kēḵĕngre nan ṙāngö ngih panam; tön piyāingö ngam el panam An min ngam Mā Tēv. Ngaich pöri angā-aṅ nöng sā töminôn nö i nak köinykūönre.

HEPRĀI 12:16

Hòn öt chamô-òkānuvö, hēk mahachōichngörevö tarik, tö sā Īsô, mi-inyihngö ngam mine-enyre, nö ṙāi töng töh nya-aṅkūö.

INLAHEN 17:32

Ngaich hē cha nö hang invanlö tö kapah, rēvre yik tö miyëḵṙô; ngö ṙô pöri yik tahëng, Hòṅ hang ṙô meh in īhö hēk, tö inlahen e.

T. MĀKÖS 4:14

Teūichtö ngam ṙô an ngam tameūich.

T. MĀKÖS 4:16

Ngatī yin vē tö teūichtuvö inrē nö i kui ihong, vē hamang ngam ṙô, ngaich ilööṙen nö holtö ṙanāmölōn nö hōḵo e.