T. MĀKÖS 4:11 - TÖHET LĪPÖRE (Re-edited) Bible (BSI)

¹¹ Ngaich ngö ṙô Anga-aṅ tö cha, Yī-ö yin tökē-ĕvkūö tö ngam ötmikahkūö sin, aṅ i ngam pūlngö ngam Tēv, höng inchōḵoṙô pöri nö in cha, yip aṅ lā uk;

T. MĀKÖS 4:11 Referans Kwoze

T. MËTIV 11:25

Hē e Ang Yēsū nö ngö ṙô, Ō Kayöngö, Mā ngam halīöngö, panam inrē; ha-öinyö Meh Chin, pò Meh hayunngö në i vē tö-akaha, töhuveū-en inrē; ngaich hameuktö u i vē tëṅnö.

T. LŪKÖS 8:10

Ngaich ngö ṙô Anga-aṅ, Yī-ö yin tö kē-ĕvkūö pòi hōtu akahalōn tö ngam ötmikahkūö sin inlahen ngam pūlngö ngam Tēv; i yip tahëng tak pöri, höng i inchōḵoṙô; pò cha nöng meuk, ngaich nöng öt akaha el mat; hang yih cha-a, ngaich öt akaha elnang.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

1 TÖSALÒNIKĒ 4:12

Hòṅ yīö lök i ötmichūṙen in cha yip aṅ lā-uk, ngaich öt hēngö hanāten.

KÒLÒSĪ 4:5

Lök i mikah yin in cha yip töt akaha, haṙënngö ngam ṙētak.

1 TIMÒTĪ 3:7

Hēk inrē anga-aṅ nö tö hòṅ löökö ineūka tö yip aṅ el kahôyö, hòṅ ò nö öt fuk im minṙēḵngö el tinngöp ngam sī-ö inrē.

EFISÖS 1:9

Keuheūt hë tī nö mikahtö lōn hī tö ngam lōn Ò öt mikahkūö sin; sā ngam tölööklōn Ò, ngam chööḵnyö Ò, nö in Ò,

2 KÒRIN 4:6

Yĕh meuk, tön ngam Tēv tö ngö ṙô, Yang an min ngam hanātö nö elsinngūlö, ngam töyang nö ellōn hī, nö kētö hanātö ngam inkaha ngam kanôlò ngam Tēv, nö i kūö Yēsū Kristū.

T. MËTIV 16:17

Ngaich ngö ṙô Yēsū tö’, Sīmōn kūön Yôna; tökôlò man me-eṅ; pòn öt alaha, öt mahām inrē. Mahameuktö e nö in meh; tön ngam Yöng Chu, el halīöngö.

T. MËTIV 13:16

Tökôlò nun minë mat yīö, pò u nö meuk; minë nang yīö inrē, pò u nö hang.

1 KÒRIN 4:7

Achīö ṙöng ap vamī-i meh harīkngöre? Asuh ap inrē in meh ap töt taneūngen meh? Yē meh pöri ngaich teūngen, kūöyòh öm eū-eure, öm sāre yē meh öt teūngen tö e?

T. MĀKÖS 3:23

Ngaich havëten cha Anga-aṅ nö in Ò ngaich ngö ṙô tö cha, nö inchōḵovṙô, Sitih kanô-òṅ ang ngam Sātān nö ahōngö Sātān?

T. MĀKÖS 4:2

Ngaich ṙōlö ṙô Anga-aṅ nö haköpten cha, nö inchōḵovṙô; nö ngö ṙô tö cha, nö i inköphöti,

T. MĀKÖS 4:10

Ngaich hē Ò nöng hĕng taka, ngaich yik mi-in Ò tö yik tö nët sīön tak inrē, nö hatönan tö ngam inchōḵoṙô.