T. MĀKÖS 3:7 - TÖHET LĪPÖRE (Re-edited) Bible (BSI)

⁷ Ngaich Ang Yēsū nö hol tö yik haköptöre nö ṙuhöngre nö ip mai. Maṙôngö yik tarik tamömrit Ò, nö ṙā-ang Kelelī.

T. MĀKÖS 3:7 Referans Kwoze

T. LŪKÖS 6:17

Yôntī Anga-aṅ ngaich, nö holten cha; ngaich sökhaka nö ik töṙā-akūö chūök, tö maṙôngö, yik mahaköp, ane inrē maṙôngö yik tarik ṙamā-ang Yūtā, Yerūsalem inrē, ṙamā-ang nup panam töröhnyi nö i kūö mai, i Tūrös Sītōn inrē; yik yamihtöre nö hang ṙô Ò, tö hòṅ halankaṙen vah inrē.

T. MËTIV 4:25

Ngaich maṙôngö yik tarik tamömrit Ò, ṙāmā-ang Keleli, Tekapòlis, Yērūsalem, Yūta, ane inrē ṙamā-ang lāmuh tö Yôtön.

T. MËTIV 12:15

Akahalōn pöri Ang Yēsū tö e; ngaich kē-ĕngre nö ṙā-ang in e. Maṙôngö yik tamömrit Ò; ngaich halanken cha Anga-aṅ, nö ṙòkhöre.

T. LŪKÖS 23:5

Ṙuhöl alaha vē tarik An, keuheūt chūökre An nö haköphöti nö i Yūtā, rĕhtenre nö i Kelēli, ihih inrē.

T. LŪKÖS 6:12

Ngaich hē u anū-ö sakāmö, Anga-aṅ nö chuh i kui ök rôngö nö ve-ekūötēv; iṙuöhen Anga-aṅ nö hĕng mitööm nö im vine-eṅkūö ngam Tēv.

T. MĀKÖS 1:39

Ngaich chuh el chūök vine-eṅkūötēv cha Anga-aṅ, nö keuheūt nö i Kelelī, mikahaten, ahōngö sī-ö inrē.

T. MËTIV 10:23

Yē cha pöri nö öthakôlò yīö nö i ngih panam, afalngöre yi-ö im tahëng. Tökô-ò ṙô Chin tö yīö, öl yin min keuheūt i panam Israel, hanöng saha yanihih ngòh Kūön Tarik.

YÔSUĀ 21:32

Aṅ i miyöngö Naftalī inrē Katĕs i Kelelī holre tö nup chūök kiyôp e, ngam elpanam chūök innyatlö famëlngö tarik, Hammòttòr inrē holre tö nup chūök kiyôp e, Kartān inrē holre tö nup chūök kiyôp e; lūöi elpanam.

YÔSUĀ 20:7

Ngaich cha-a nö haköhngen Kates i Kelelī ip rung panam Naftalī, Sīkem inrē ip rung panam Ifrēm, Kirīatarpā inrē (angū-ö an Hepròn), ip-rung panam Yūta.

INLAHEN 17:14

Ilööṙen ngaich yik māṅ nö tīnngen Pôl nö tölngö kūö mai; ngaich höngngöh nāṅ Saīles, nāṅ Timòtī, nö umuh.

INLAHEN 17:10

Ngaich im hatööm yik mā nö tīnngen nā Pôl, nāṅ Sailes, nö i Pĕröiya. Chalô cha-a nö umuh; ngaich yihtöre nö el chūök vine-eṅkūötēv yik Yahūti,

T. YÔHAN 7:52

Ngaich ngö ṙô cha-a tö ò, Aṅ Kelelī öm me-eṅ inrē? Ngëicha man yēḵ, tön öt pròfĕt tu lamöknyö i Kelelī,

T. YÔHAN 7:41

Ngö ṙô yik tahëng tak, Anga-aṅ An Kristū. Rēvre pöri yik tö ngö ṙô, Löknyö i Kelelī ap Kristū.

T. MËTIV 12:16

Ngaich sōten cha Anga-aṅ nö eūken Ò;

T. MĀKÖS 1:45

Kiröönngöre pöri anga-aṅ, kaknyöre ngaich nö ahangkö e, nö pirātngö chūök e; ngaich Yēsū nö öt kô nö hangāṅlkenre nö kuhēthötre nö i panam; höng lā-uk nö el-inchōn. Keuheūttöre lā-a lökta cha-a ngaich nö yihtöre nö in Ò.

T. MĀKÖS 3:20

Yihtöre ngaich Yēsū nö ël ök tö hĕng patī. Ngaich hēk yik tömaṙôngö nö hamūl yanīhihre; ngaich cha-a nöng öt löktukūö nö nyā.

T. MĀKÖS 4:1

Hēk Anga-aṅ nö haköphöti nö i kūö mai, ngaich maṙôngö takô yik mahamūlöre nö in Ò. Lökten Ò nö yôklö nö ël kupòk; ūichngöre ngaich nö ël ò, nö ël mai, Höng i kūö mai yik tömaṙôngö, nö el tanyô.