T. MĀKÖS 3:5 - TÖHET LĪPÖRE (Re-edited) Bible (BSI)

⁵ Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

T. MĀKÖS 3:5 Referans Kwoze

T. LŪKÖS 6:10

Ngaich havīngö matre Anga-aṅ, nö ngëichkö kūö cha, ngaich ngö ṙô tö ò, Hateutnyökëlre mana. Ngaich ngatī anga-aṅ, ngaich ngam kël ò nö lööken.

EFISÖS 4:18

Sangulköti nup mikah cha, ngaich tangngöre nö im nômö aṅ im Tēv, kūö ötmikah cha, ingëḵeng ellōn cha inrē,

1 RĀCHA 13:6

Ngaich ngö ṙô ök rācha nö sapṙô ök tarik ngam Tēv, Havëkö inṙētö chu im Mā Tēv ngam Tēv meh, vë-elkui chu inrē, hòṅ ngih kël chu nö lööken nö hēk. Ngaich ngam tarik ngam Tēv nö vë-ekūö ngam Mā Tēv, ngaich ök kël ök rācha nö lööken nö hēk, ngaich sāre angū-ö tö lā-urĕh.

RŌMA 11:25

Kahōlö, sōten yīö chin öt akahalōn tö ngih öt mikahkūö sin, hòṅ yīö öt höng akaha inrē tö lōnre, tö ngam tö hĕng lā inngëngö lökngen Israĕl, hanöng saha sanööḵlö yip Tahëng Mihëṅṙö, nö yih:

T. MËTIV 12:13

Ngaich ngö ṙô Anga-aṅ tö ngam tarik, “Hateutnyöngam këlre man.” Hateutnyö e ngaich anga-aṅ; ngaich lööken angū-ö, nö sā ngam tahëng.

INMEUKHÖMAT 6:16

Ngaich ngö ṙô cha-a, tö minë rôngö, tö minë ihong inrē, Afukkui ih, hayunngen ih, tö kūö ngam amūichhaka nö el kantēra, hayunngen ih inrē tö lanīnö ngam pököre:

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

HEPRĀI 3:17

In chīö Anga nö fën anāi samyeūheu nö kunyahaṅlōn? Röh Ang nö in cha, yik tököölö fālen, yik tö hulalhak alaha nö elinchōn?

EFISÖS 4:30

Un miṙīvilōn ngam Töhet Fanöinylö ngam Tēv; tön Anga-aṅ An mumkahngen yīö hanöng saha ngam sakāmö ṙinānyö.

EFISÖS 4:26

Līn yin, uh pöri köölö fālen; un meutti ngam tavūöi tö rôta lanīnö yīö.

2 KÒRIN 3:14

Pòn söl ing tö ngamuh, i vine-ekūö ngam höteh kinlēḵngô, höngngöh ngam ranangkūö öt nyūömlöngö; ngam tö keuheūtiṙen nö in Kristū.

T. YÔHAN 9:7

Ngaich ngö ṙô tö ò, Kuṙòh; söich matre man, el ap mak Sīlōm. (Ngam töngö, Tīniyö.) Lökten ò nö kiröönngöre, ngaich söich matre; ngaich yih nö meuk.

T. LŪKÖS 17:14

Ngaich meūkö cha Anga-aṅ, ngaich ngö ṙô tö cha, Kuṙòh; hameuktöre yin i yip kūönṙô. Ngaich lööken cha-a, tö saha cha nö ṙòngmö kiröönngöre.

T. LŪKÖS 13:15

Ngö ṙô pöri ngam Mā nö sapṙô ò, Yī-ö mahanyatkö-elmat, röh öi yī-ö luhlö nuā ane inrē köttö hē el töhet sakāmö, öi ṙā-ang im chūök u, ngaich hachōḵngö u ip chūök u nö òk mak?

Salmai 95:10

Fën anāi samyeūheu rô-òten chin harivlōn i ngih tumköl chap: ngaich öich ngö ṙô, Tarik yin tövāchö kū-ö ellōn; öt akahakūö yin tö në talöökö chu.

NAHIMIĀ 13:8

Ngaich chū-ö tainy, ngaich kavalngö nuk chehen Topiya nö ṙā-ang el ök urôhò tökiröng.

KAMHÔKA 10:16

Ngaich cha-a nö kavalngö nuk tötohtöre tēv nö ṙā-ang in cha, ngaich lök la-en ngam Mā Tēv: ngaich anga-aṅ nö haṙīvlōn tökūö kanihngen Israĕl.

Ranehlö 6:6

Ngaich ngam Mā Tēv nö haṙivtīre nö vī tarik nö ikui ngam tumlat, ngaich miṙivngölōn Ò angū-ö.

HEPRĀI 3:10

Lökten Chu kunyahaṅlōn i ngih tūmö, Öich ngö ṙô, örheūheu yin nö lō-ongkūö nö ellōnre: Rö-ö pöri cha-a nö akahakūö tö në talöökö Chu;

T. MĀKÖS 3:4

Ngaich ngö ṙô Anga-aṅ tö cha, Töhuveū-en önguh ngam tölöök la-en, el töhet sakāmö, ngam tötlöök ṙöng? Inyööken nômö, finëlngö ṙöng? Ngaich pöri cha-a nöng öt ṙô-òv.

1 SAMUĔL 20:34

Choholre ngaich yônatan nö ṙā-ang ik mīs nö tainy, ngaich öt nyā im innëtö sakāmö ngam chingëṅt: pò ò nö haṙivlōn tö Tāvit, kūö ök yöng ò nö miṙēngen ò.