T. MĀKÖS 3:4 - TÖHET LĪPÖRE (Re-edited) Bible (BSI)

⁴ Ngaich ngö ṙô Anga-aṅ tö cha, Töhuveū-en önguh ngam tölöök la-en, el töhet sakāmö, ngam tötlöök ṙöng? Inyööken nômö, finëlngö ṙöng? Ngaich pöri cha-a nöng öt ṙô-òv.

T. MĀKÖS 3:4 Referans Kwoze

T. LŪKÖS 6:9

Ngaich ngö ṙô Yēsū tö cha, Hatönö yīö Chin. Kô-òren öi la-evṙen tö tölöök hē el töhet sakāmö, tötlöök ṙöng? Inyööken nômö, ane ṙöng ötinkôlò e?

T. MĀKÖS 9:34

Ngaich pöri cha-a nö öt ṙô-òv; pò cha nö ve-ekūö höö, nö el talöökö, töp töpōyö tö cha.

HŌSĪ 6:6

Pò chu lōn tö miṙēlōn, rö-ö nö tökētu: mötlö an inrē ngam inkaha ngam Tēv tö töföngö tökētu.

T. MĀKÖS 3:3

Ngaich nö ṙô Anga-aṅ tök tarik, ök tölūmö kël; Söklöre man.

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.