T. MĀKÖS 3:33 - TÖHET LĪPÖRE (Re-edited) Bible (BSI)

³³ Ngaich ngö ṙô Anga-aṅ nö sap ṙô cha, Achīö öp yöng Chu kikānö, yip mëm Chu inrē.

T. MĀKÖS 3:33 Referans Kwoze

T. MĀKÖS 6:3

Röh Ang nö ngòh töhuveū nö vī chōn ngòh kūön Mariā, mëm Yāköp, Yūtā, Sīmōn inrē? Röh yip kanānö Ò nö hol hī nö ihih? Ngaich cha-a nö ötmiṙūötṙen tö Ò.

T. MĀKÖS 3:21

Hē yik hanöng kisānö Ò nö hāngö e, ngaich yihtöre cha-a, nö hòṅ kēḵ An; pô cha nö ngö ṙô, Öt akahngenre An.

I. CHÖNGÖ 33:9

Ök tö ngö ṙô tök kikōnyö yöngre, kikānö yöngre inrē, Hö-ö chin meūkö ò; öt rēhĕn anga-aṅ nö akah mak alahare, öt rēhĕn anga-aṅ nö akahakūö tö kūönre: pò cha nö haköpkö ngam ṙô meh, haköp chöngö meh inrē.

2 KÒRIN 5:16

Lökten in töngamuhuten öt akahakūö tö tarik nö im alaha: pòrô öi akahalōn tö Kristū nö im alaha, rö-ö in töngamuh akahalōn.

T. YÔHAN 2:4

Ngaich Yēsū nö ngö ṙô tö ò, Suh ap lōn meh, la-en Chu? Öltö yihih an ngam ṙētak Chu.

T. LŪKÖS 2:49

Ngaich ngö ṙô Anga-aṅ tö cha, Sitih an chöhö Chu? Röh an akahalōn tö Chu mi-i la-en ngam Yöng re?

T. MĀKÖS 3:32

Maṙôngö yik umuh mahavīlen Ò nö ūichhaka; ngaich ngö ṙô cha-a tö Ò, Höng chöhö Meh ap yöng Meh kikānö, yip mëm Meh inrē, nöng lā uk.

T. MĀKÖS 3:34

Ngaich havīngömatre Anga-aṅ nö i yik amūichhaka, nö havīlen Ò; ngaich ngö ṙô Anga-aṅ, Yĕh meuk, ngam yöng Chu kikānö; vē mëm Chu inrē.