T. MĀKÖS 3:27 - TÖHET LĪPÖRE (Re-edited) Bible (BSI)

²⁷ Öt hĕng tak tö kô nö kuhēthötre nö el patī öp tökalēḵ tarik, nö kēḵ nup chehen ò, höng urĕh nö nyëk ngam tökalēḵ tarik; ngaich möl nö kēḵ nup aṅ ngam patī ò.

T. MĀKÖS 3:27 Referans Kwoze

T. MËTIV 12:29

Hēk, siti kanô-òṅ ang ngòh töhĕng tak nö kuhēthötre nö el patī öp tökalēk tarik, nö kēḵ nup chehen ò, yē ò nö öt urĕh nö nyëk ngam tökalēk, Ngaich möl anga-aṅ nö kēḵ nup aṅ patī ò.

1 YÔHAN 4:4

Yī-ö kun kūön chu, aṅ im Tēv yin yī-ö, ngaich mihôiṅ inrē tö cha: pòn kiröng öp in yīö tö ò öp ing panam.

Isayā 53:12

Lökten chin min michööḵ an tö minchööḵö tökiröng, ngaich anga-aṅ min inrē nö michööḵ pôḵ nö in öp tökalēḵ; pò ò nö vōknyö aṅ i nômö re nö im kinpaha, kaheuktuvö inrē anga-aṅ nö i tötlöök; sön anga-aṅ nö keun tökööl tömaṙôngö, ane inrē ve-elkui tököölö fālen.

Isayā 27:1

Ip sakāmö angū-ö ngam Mā Tēv nö ip manā-anyre tökiröng töngëḵ inrē sanët nö hachök ngam Ṙēv ngam töveut pēch, ngam Ṙēv pēch tösalūöna; ngaich anga-aṅ min nö kapahatī tö ngam tulan el mai.

1 YÔHAN 3:8

Ngòh tö la-evṙen tö tökööl, aṅ im sī-ö anga-aṅ, pò ngam sī-ö nö tö köölöfālen, hētentö ök raneh. Angū-ö an lökten ngam Kūön ngam Tēv nö hameuktu, pòn hōtu Anga-aṅ nö luhngö la-en ngam sī-ö.

KÒLÒSĪ 2:15

Ṙā-ang nup minā-aṅ, chöngö inrē nö ṙā-ang in re, hangāṅlnyö inmeuktö u Anga-aṅ, mihôiṅ ngaich tö u nö in e.

T. YÔHAN 12:31

Ngih ön ngaich kinṙôkken ngih panam; ngaich ön min ngòh mākūö panam nö ahōṙi.

Isayā 61:1

I kui chu an ngam Töhet Fanöinylö ngam Mā Tēv, pò ngam Mā Tēv nö hacham kui chu öich kētö tölöök inhānga in yip töhakihtuṙen; tinngen chu an chömlö tölakūki ellōn, ahangkö ṙinānyö tökē-ĕ, linöpnyö kūö chūök insongngö tarik tö yip tönyëki ël e;

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.