T. MĀKÖS 3:24 - TÖHET LĪPÖRE (Re-edited) Bible (BSI)

²⁴ Yē ngam pūlngö nö harēvöre, öt kô angu-ö nö köp.

T. MĀKÖS 3:24 Referans Kwoze

SAKARIĀ 11:14

Rökngö ngam tahëng tinkung chū-ö ngaich, Ngam Nyanëk, pò chu hòṅ litòkngen ngam mak alaha ihôi Yūtā tö Israel.

ISIKĪ-ĔL 37:22

Ngaich vīten cha chū-ö min nö hĕng nö pumnāmö tarik nö im panam, i kui minë rôngö Israel; hĕng tak min rācha inrē rācha nö i kui cha nö ṙòkhöre; öt ngöhören min cha-a nö nët nö pumnāmö tarik, ötngöhören inrē nö harēvöre nö nët nö pūlngö.

2 SAMUĔL 20:6

Ngö ṙô ngaich Tāvit tö Apisai, Pōihangen tī öp min Sepā tö hī nö mötlö tö Apsalem, öp kikōnyö kūön Pikrī: kē yip tarik ngòh mā re man, lūḵ an, hòṅ ò nö öt kuhēthötre nö el tökinlōngu elpanam, ngaich öt meūkö min tö hī.

2 SAMUĔL 20:1

Ngaich hĕng tak ök umuh tarik sāṙen, ök töminënyu tö Sepā kikōnyö kūön Pikrī, aṅ Penyamin; föönyö kūö ök fanöö anga-aṅ, nö ngö ṙô, Öt minchöḵövö in īhö in Tāvit, Öt rēhĕn öi amīnu im kikōnyö kūön Yēsī: Ō Israĕl, kö chuh el inrūkui re yin.

T. YÔHAN 17:21

Hòṅ cha nö ṙòkhöre nö hĕng; sā Meh Me-eṅ Kayöngö in Chu; in Meh Chū-ö; hòṅ cha cha-a inrē nö in hā; hòṅ ngih panam nö ṙātö ellōnre tö Meh Öm tīnten Chu.

T. MËTIV 12:25

Akaha lōn Ang Yesū tö ellōn cha, ngaich ngö ṙô tö cha, “Ngih pūlngö maharēvöre nö lā-alre; ngaich öt köp min angū-ö.

T. MĀKÖS 3:23

Ngaich havëten cha Anga-aṅ nö in Ò ngaich ngö ṙô tö cha, nö inchōḵovṙô, Sitih kanô-òṅ ang ngam Sātān nö ahōngö Sātān?

T. MĀKÖS 3:25

Yē ngam tö hĕng patī nö harēvöre töre, öt kô angu-ö nö köp.