T. MĀKÖS 3:23 - TÖHET LĪPÖRE (Re-edited) Bible (BSI)

²³ Ngaich havëten cha Anga-aṅ nö in Ò ngaich ngö ṙô tö cha, nö inchōḵovṙô, Sitih kanô-òṅ ang ngam Sātān nö ahōngö Sātān?

T. MĀKÖS 3:23 Referans Kwoze

T. MËTIV 13:34

Ṙòkhöre nun në nö inchōḵoṙô Yēsū, nö i yik tömaṙôngö; öt ve-ekūö cha Anga-aṅ nö öt inchōḵovṙô;

T. MĀKÖS 4:2

Ngaich ṙōlö ṙô Anga-aṅ nö haköpten cha, nö inchōḵovṙô; nö ngö ṙô tö cha, nö i inköphöti,

T. MËTIV 4:10

Ngaich ngö ṙô Yēsū tö ò, “Sātan kē-ĕngre man; tön ngö kinūichngö an, Ve-ekūö ngam Mā Tēv man; höng Anga-aṅ lahök la-en meh inrē.”

Salmai 49:4

Asītö elnangre chin min i inchō-oṙô: i ṙô öp hārp nup min tökihngen ṙô chu nö hameuknyu.

T. MËTIV 13:3

Ngaich Anga-aṅ nö inchōḵovṙô nö ve-ekūö cha, nö ngö ṙô Yĕh meuk ngam tameūich nö kiröönngöre-nö teūich.

T. MĀKÖS 3:24

Yē ngam pūlngö nö harēvöre, öt kô angu-ö nö köp.

T. MĀKÖS 4:11

Ngaich ngö ṙô Anga-aṅ tö cha, Yī-ö yin tökē-ĕvkūö tö ngam ötmikahkūö sin, aṅ i ngam pūlngö ngam Tēv, höng inchōḵoṙô pöri nö in cha, yip aṅ lā uk;

T. MĀKÖS 12:1

Kaknyöre ngaich Anga-aṅ nö ve-ekūö cha nö inchōḵovṙô. Hĕng taka ök tarik vamī panô-òṅ angkūr; havīlö e ngaich, nö kalonglö e; ngaich ul chūök kinrān nup angkūr; ngaich vīlö ihong patī; ngaich haṙāyö tö yik yōm panô-òṅ. Kiröönngöre ngaich anga-aṅ i tahëng pumnāmö.