T. MĀKÖS 3:22 - TÖHET LĪPÖRE (Re-edited) Bible (BSI)

²² Ngaich yik kamūich, yik yamih nö ṙā-ang Yerūsalem, nö ngö ṙô, Īnu An tö Pē-elsipul; ngaich ahōngö vē sī-ö Anga-aṅ, nö lökten im mākūö vē sī-ö.

T. MĀKÖS 3:22 Referans Kwoze

T. MËTIV 15:1

Ngaich yihtörenö in Yēsū yik Feresī, kamūich inrē, nö ṙā-ang i Yērūsalem; ngaich ngö ṙô,

T. MËTIV 10:25

Ngaīchö tölngö ön ngòh mahaköp, yĕn höng sā ngam mahaköptöre; ngatī inrē ngòh mahalanṙen, yĕn höng sā ngam yöngṙenre. Yē cha nö Pĕ-elsipūl ngö ṙô tö ngam töpatī-ivö; iṙôkhöl ṙô yip öre tö yip aṅ ngam patī.

T. MËTIV 12:24

Ngö ṙô pöri yik Feresī, hē cha nö hāngö e, “Ahōngö sī-ö Ön ngòh tarik, lökten Pĕ-el-sipūl, ngam mākūö sī-ö,”

T. MËTIV 9:34

Ngö ṙô pöri yik Feresī, “Lökten ip mākūö sī-ö An, nö ahōngö sī-ö.”

T. YÔHAN 7:20

Ngaich ngö ṙô yik tö maṙôngö, Sī-u aṅ-in Man. Achīö ap lamukkenre nö hòṅ fëlö Meh?

T. YÔHAN 8:52

Ngaich ngö ṙô yik Yahūti tö Ò, Akahalōn takô in ngaich, tö Meh sī-u aṅ in. Kapah ök yih Aprahām tö yik pròfĕt inrē; ngaich Me-eṅ ngö ṙô, Yĕn hĕng tak tarik mahaköp ṙô Chu, öt hōḵ min anga-aṅ nö kapah.

T. YÔHAN 8:48

Ngaich ngö ṙô yik Yahūti tö Ò, Röh öi huveū-eu ṙô tö Meh, Öm aṅ Samariā, tö sī-u aṅ in?

T. LŪKÖS 11:15

Rēvre pöri yik aṅ in cha, tö ngö ṙô, Pĕ-elsipūl an ngam mākūö vē sī ö, aṅtī Ò nö ahōngö sī-ö.

T. MĀKÖS 7:1

Ngaich hamūlöre yik Feresī, rēvre yik kamūich inrē yamih nö ṙā-ang Yerūsalem.

T. MËTIV 11:18

Pò Yôhan nö yih, öt nyā, öt rēhĕn nö òk; ngaich ngö ṙô yī-ö.’ Sī-u aṅ in an.

T. YÔHAN 10:22

Hē e ök paratīn Tinfömlö, i Yerūsalem; laneūichö angū-ö hē e.

T. LŪKÖS 5:17

Ngaich hĕngheuh ik hē u anū-ö sakāmö tö Ò nö mumkahten, ngaich umuh nö ūichhaka yik Feresī ane inrē yik mahaköptö ngam chöngö, yik ṙamā-ang taṙòkhöre panam i Kelelī, i Yūtā, ane inrē i Yerūsalem ngaich ngam kanô-òṅ ngam Mā Tēv nö in Ò, nö halanken tövahavö.

Salmai 22:6

Höng kamlökö pöri chū-ö, öt tarik: minṙēngö tarik, töt hakūökaṙen tö tarik.

2 RĀCHA 1:2

Ngaich suktöre Ahasariā nö löktö i ranangkūö inkup el ök latūlöng urôhò ò i Samariā ngaich vahavö anga-aṅ: tīnngö ma-ahānga ngaich anga-aṅ, nö ngö ṙô tö cha, Kuṙòh, hatöntöre ip Pē-ālsīpöp öp tēv aṅ Ēkròn yē chu min lööken tö ngih invah.