T. MĀKÖS 3:2 - TÖHET LĪPÖRE (Re-edited) Bible (BSI)

² Ngaich hayūnan cha-a, yĕn hòṅ halanken ò, hē el töhet sakāmö; pò cha nö hòṅ löknyuṙô nö vënyen Ò.

T. MĀKÖS 3:2 Referans Kwoze

Salmai 37:32

Hatīönkö ngam tölöök ngam tötlöök: ngaich lukkenre nö fëlngen ò.

T. LŪKÖS 14:1

Ngaich hē Ò nö chuh el patī ök töhĕng tak Feresī, nö nyā, hē el töhet sakāmö; ngaich cha-a nöng hayūnan.

T. LŪKÖS 6:7

Ngaich höng ngëichka Anga-aṅ tö yik kamūich, yik Feresī inrē, yē Ò nö hòṅ halanken hē el töhet sakāmö; pò cha nö hòṅ löknyuṙô nö vëken Ò.

T. LŪKÖS 20:20

Ngaich aṅten Ò cha-a; ngaich tīni yik töhaṙūöngka tarik, yik tökô-en tölōnre, nö kēḵ nup ṙô Ò; ngaich kēḵngen Ò im chöngö mahayöng.

T. YÔHAN 9:16

Rēvre yik Feresī tö ngö ṙô, Rö-ö öp tarik Anga-aṅ, nö aṅ im Tēv; tön öt haköp töhet sakāmö ap. Ngö ṙô pöri yik tahëng, Sitih kanô-òṅ ang ngòh tarik tököölö fālen, nö ngatī la-en tö minkahngö?

T. MËTIV 12:10

Ngaich hĕng tak ök tarik maheuṅk Ò, tölūmö kël. Ngaich cha-a nö hatönan, nö ngö ṙô, “Kô-òren öi halanken tövahavö, hē el töhet sakāmö?” Pò cha nö hòṅ vëken Ò.

TANĪ-ĔL 6:4

Ngaich yik presiten tö yik setrāp nö chöh löknyö chööḵnyö re, nö vë-eny fālen Tānīĕl tö inlahen ò nö im pūlngö hö-ö pöri cha-a nö kôtökūö tö löknyö ṙô re nö vë-eny fālen ò, pò ò nö kô-en, öt kôti nö in ò vanāchö, fālen inrē.

YERIMIĀ 20:10

Pòich pōyen ahang tö töhīṙeūtka ṙô. Pinhë-eṅkūö keuheūtngöre lā-al! Vënyen ò nö töfāluṙen! Tā-a töi vënyen ò nö töfāluṙen! yip töha-eh nö hol chu, nö ngëichngö fanukngö chu. Lohten öp min nö hachīlö, ngaich möl ayī-ö kô mihôiṅ tö ò, havahalre inrē in ò.

T. MĀKÖS 3:3

Ngaich nö ṙô Anga-aṅ tök tarik, ök tölūmö kël; Söklöre man.

T. YÔHAN 8:6

Angū-ö ṙô cha nö kalahan; pòn hòṅ löknyuṙô nö vënyen Ò. Sōntöre pöri Yēsū, ngaich kūich el tumlat, nö aṅtī tö kuntīre.