T. MĀKÖS 3:18 - TÖHET LĪPÖRE (Re-edited) Bible (BSI)

¹⁸ Antaru, Filip, Partòlòmai, Mëtiv, Tòmös, Yāköp ök kūön Alfai, Tattai, Sīmōn aṅ Kēnen.

T. MĀKÖS 3:18 Referans Kwoze

INLAHEN 1:13

Ngaich hē cha nö yih, yòhlö cha-a ngaich nö el öp lātulöng urôhò, i chūök cha nö höngngöh, hēḵ Pītör, Yôhan, Yāköp, Antaru, Filip, Tômös, Partòlòmai, Mëtiv, Yāköp ök kūön Alfāi, Sīmōn Sēlòt Yūtā inrē ök kūön Yāköp.

T. MĀKÖS 2:14

Ngaich hē Ò nö kiröönngöre, ngaich meūkö Lēvī Anga-aṅ, ök kūön Alfai, ūichhaka nö i chūök inmūl ṙāi kinëhet chehen. Ngaich ngö ṙô Anga-aṅ tö ò, Ta-a, tömrit Chu. Choholre ngaich anga-aṅ, nö tömrit Ò.

YĀKÖP 1:1

Salām yip tö nët sīön miyöngö, yip tö parāti an Yāköp, kūönkūö ngam Tēv, ngam Mā Yēsū Kristū inrē.

T. MËTIV 9:9

Hē Yēsū nö lök in e, nö kiröönngöre, hĕng tak maheuṅk Anga-aṅ tö tarik, amūichhaka nö i chūök inmul ṙāi kinëhöt chehen; Mëtiv minënyö ök. Ngaichngö ṙô Anga-aṅ tö ò, “Tömrit Chu man.” Choholre ngaich anga-aṅ, nö tömrit Ò.

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

KALATĪ 2:9

Ngaich hē cha nö meuk ngam tökētu inlōnti nö in chu, ngaich hēḵ Yāköp, Kīfas, Yôhan inrē, yik tö-eūka nö machööḵlö, nö kē-ĕkūö chu tö Parnöpas, nö hamòlṙen; hòṅ ih ihö chuh i yip Tahëng mihëṅṙö tarik, ngaich cha-a nö i yip tö tunyīnyi;

KALATĪ 1:19

Hö-ö pöri chu-ö meuk yip tahëng tanīnöṙô, höng Yāköp ök kisānö ngam Mā.

1 KÒRIN 15:7

Ngaich hēk Anga-aṅ nö meūkö tö Yāköp; ngaich hēk tö yik tanīnöṙô nö ṙòkhöre.

1 KÒRIN 9:5

Öt huveū-en öi īhö kanahnguṙen hachōḵ pihöre tö ṙamātö ellōnre, sā yip tahëng tanīnöṙô, yip mëm ngam Mā inrē, Kīfas inrē?

INLAHEN 21:18

Ngaich im huṙöich sakāmö ang Pôl, nö holten ih, nö chuh in Yāköp, ṙòkhöre yik mākūö ngam māṅ nö umuh.

INLAHEN 15:13

Keuheūthë ṙô cha-a, kaknyöre ngaich Yāköp, nö ngö ṙô, Kahōlö; hangihtöre yin tö ṙô chu.

T. YÔHAN 21:2

Hēḵ Sīmōn Pītör yik umuh; Tômös inrē ök tö Tītimös invëka, Netenīel ök aṅ Kānā i Kelelī, nak kūön Sepetī, nët tak nak tahëng inrē mahaköp.

T. YÔHAN 14:22

Ngö ṙô ang Yūtā tö Ò, (rö-ö nö Iskaryöt,) Mā; Sitih Öm höng in ih hameuktöre, ngaich rö-ö ing panam?

T. YÔHAN 11:16

Ngö ṙô Tômös, ök tö Titimös invëka, tö yik holre mahaköp, Ta-a, töi in ayī-ö inrē; hòṅ hī anòngngen Ò kapah.

T. YÔHAN 1:40

Hĕng tak ök aṅ i nak tö nët tak hamang ṙô Yôhan ngaich tömrit Yēsū, ang Antarū, ök kahëm Sīmōn Pītör.

T. MĀKÖS 6:3

Röh Ang nö ngòh töhuveū nö vī chōn ngòh kūön Mariā, mëm Yāköp, Yūtā, Sīmōn inrē? Röh yip kanānö Ò nö hol hī nö ihih? Ngaich cha-a nö ötmiṙūötṙen tö Ò.

T. MËTIV 13:55

Röh Ang nö kūön ök vāmī chōn? Röh ap yöng Ò kikānö, nö Marīa invëka? Ngaich kahëm Ò hēḵ Yāköp, Yôsĕf, Sīmōn, Yūtā inrē?

T. MĀKÖS 3:17

Yāköp ök kūön Sepetī, Yôhan inrē ök kahëm Yāköp, kaheūkö cha Anga-aṅ nö Pōnērkes, ngam töngö, Kūön kunṙôkö;

T. MĀKÖS 3:19

Yūta Iskaryôt inrē, ök kamëḵngen Ò.