T. MĀKÖS 3:17 - TÖHET LĪPÖRE (Re-edited) Bible (BSI)

¹⁷ Yāköp ök kūön Sepetī, Yôhan inrē ök kahëm Yāköp, kaheūkö cha Anga-aṅ nö Pōnērkes, ngam töngö, Kūön kunṙôkö;

T. MĀKÖS 3:17 Referans Kwoze

HEPRĀI 4:12

Pò ngam ṙô, ngam tö-aṅ, nö panyôta inrē, mööḵlö kaneūtö inrē tö tö-āṅngöre keūtö fël, tafūni tī inrē tö ranangkūö ngam nômö töm ma-alaha, tö nup tanap u nyöre aṅ el tangëḵ, veut inrē nö akah nup lōn, tanutö ellōn inrē.

T. MĀKÖS 14:33

Ngaich ngô-òṅ hēḵ Pītör Anga-aṅ, Yāköp, Yôhan inrē; kētöre ngaich nö pōyen ranöingö alaha, ane inrē kanihngen ellōn,

T. MĀKÖS 5:37

Öt hĕng tak halöngten Anga-aṅ tö tamömritre, höng hēḵ Pītör, Yāköp Yôhan inrē, ök kahëm Yāköp.

YERIMIĀ 23:29

Röh öng ngam ṙô chu nö sā tameūyö, ṙô ngam Mā Tēv, sā mūngöre inrē öp lumkuk ihong nö kaṙöp?

INLAHEN 12:1

Hē e, ök rācha Heròt nö öthakôlò yik rēvre aṅ ngam māṅ.

T. YÔHAN 21:2

Hēḵ Sīmōn Pītör yik umuh; Tômös inrē ök tö Tītimös invëka, Netenīel ök aṅ Kānā i Kelelī, nak kūön Sepetī, nët tak nak tahëng inrē mahaköp.

T. MĀKÖS 10:35

Ngaich haröhtöre nö in Ò, nāṅ Yāköp, nāṅ Yôhan, nak kūön Sepetī; ngaich ngö ṙô tö Ò, Mahaköphöti; hōten Meh an, Öm kēkö kaha öp töng ṙô ai ve-ekūö Meh.

T. MĀKÖS 9:2

Unôichrit tö tafūöl sumkam, Ang Yēsū nö ngô-òṅ Pītör, Yāköp, Yôhan inrē; ngaich hayihten cha nö i kui ap tömarô-òlkui rôngö: köhngen cha-a. Ngaich haṙī-ingre Anga-aṅ nö i kūö cha.

Isayā 58:1

Pōitô hū-a, un aṙēlôre, sā ṙô römpĕt hachônglö ṙôre; ve-enynang yip tarik chu tö öt lanöökö cha, yip aṅ patī Yāköp inrē tö nup tökööl cha.

INMEUKHÖMAT 10:11

Ngaich ngö ṙô cha-a tö chu, Ahānga man i tömaṙôngö tarik, i pumnāmö tarik i tum mi-ëlô, i yip rācha inrē.

T. MËTIV 4:21

Iṙuhöröön Anga-aṅ nö kiröönngöre; ngaich nët tak maheuṅk tö nak kahëmre nö hēḵ, Yāköp ök kūön Sepeti, Yôhan inrē ök kahëm ò; el kupòk cha-a nö holtö ök yöngre Sepeti, nö ngattit nuk inhāṅlre.

T. MĀKÖS 3:16

Vīlö yik tö nët sīön tak Anga-aṅ; ngaich kaheūkö Sīmōn Anga-aṅ nö Pītör.

T. MĀKÖS 3:18

Antaru, Filip, Partòlòmai, Mëtiv, Tòmös, Yāköp ök kūön Alfai, Tattai, Sīmōn aṅ Kēnen.

T. LŪKÖS 9:54

Höng meuktöre nak mahaköp nāṅ Yôhan, nāṅ Yāköp, tö e, ngaich ngö ṙô cha-a tö Ò, Mā, hōḵ Öm öre tö ih tölṙô tameūyö öp ṙamā-ang el halīöngö, nö famöngngen cha; sā tī Ēlaicha