T. MĀKÖS 3:11 - TÖHET LĪPÖRE (Re-edited) Bible (BSI)

¹¹ Ngaich yik tötlöök sī-ö nö afukngöre nö i kūö Ò, yē cha nö meūkan; ngaich hūḵa nö ngö ṙô, Me-eṅ Man, Kūön ngam Tēv.

T. MĀKÖS 3:11 Referans Kwoze

T. LŪKÖS 4:41

Ngaich më sī-ö ṙamā-ang i yik tömaṙôngö nö kunyī-inyre, pōitô nö ngö ṙô, Me-eṅ Man Kristū Öm Kūön ngam Tēv. Ve-evkūö cha-a tö Ò, höng öt halöngnyuṙô nö ṙô-òvö, pò cha nö akahakūö tö Ò nö Kristū. Mikāhaten Yēsū Nö El Chūök Vinë-ekūötēv (Mk 1.35-39)

T. LŪKÖS 8:28

Höng meuktöre anga-aṅ tö Yēsū, ngaich hūḵa, ane inrē afukngöre nö i kūö Ò, ngaich pōitô nö ngö ṙô, Sitih falngen öich min in Meh, Yēsū, Me-eṅ kūön ngam Tēv Lamātulöng. Ve-ekūö Meh chin, uh chin hakihtuṙen.

YĀKÖP 2:19

Ṙātö ellōnre man yih tö ngam Tēv nöng hĕng; huveūen me-eṅ: ṙātö ellōnre inrē vē sī-ö nö kichëiyöre.

T. MËTIV 8:29

Ngaich hūḵ-a cha-a nö ngö ṙô, “Asuh ap lōn Meh in ai? Me-eṅ kūön ngam Tēv, Yih Öm ihih öthakôlò ai, urēhĕkūö ngam ṙētak?”

T. MËTIV 4:3

Ngaich yihtöre ngam kamlah, ngaich ngö ṙô tö Ò, “Yē Meh Öm Kūön ngam Tēv, tölṙô në ihong Man yēḵ, nö vīngöre nö ròti.”

INLAHEN 16:17

Anga-aṅ tamömkörit ih, īhö Pôl; ngaich hūḵa, nö ngö ṙô, Mahalanṙen ngam Lamātulöng Tēv, yin vē tarik; ma-ahangken yīö tö ngam talöökö inyööken.

T. MËTIV 8:31

Ngaich ve-ekūö Ò yik tötlöök sī-ö, nö ngö ṙô, “Tinngen ih i nup ha-un; yē Meh hòṅ ahōngen ih.”

T. MËTIV 4:6

Yē Meh Öm Kūön ngam Tēv, asuktöre Man yēḵ; tön ngö kinūichngö an, “Tölṙô yip ma-ahāngare An mīnö nö mameukken Meh; hòṅ Meh öt amahaiṙen sōngtöre kunröön i ihong.”

T. MËTIV 14:33

Ngaich yik me-el ngam kupòk nö salāman, nö ngö ṙô Kô takô Man Me-eṅ kūön ngam Tēv.

T. MĀKÖS 1:1

Ranehnyö ngam tölöök inhangkö Yēsū Kristū, ngam Kūön ngam Tēv.

1 KÒRIN 11:34

Yĕn hĕn tak öp tökapahare, hökngen ò nö nyā nö i patī, hòṅ ngam inmūlö yīö, nö öt kamëtö öt inkôlò yīö. Halēn nup tahëng chin min, yē chu yih.