Biblia Todo Logo
Bib sou entènèt

- Piblisite -




T. MĀKÖS 3:10 - TÖHET LĪPÖRE (Re-edited) Bible (BSI)

10 Pòn maṙôngö halanken Anga-aṅ; ngaich yik ṙôngö yik tövahavö nö singtöre nö in Ò, pòn hòṅ lūölken Ò cha-a.

Gade chapit la Kopi




T. MĀKÖS 3:10
18 Referans Kwoze  

Ngaich i nuk töng tuhēt chūök Ò nö kuhēt, elpanam, tavat inrē; ṙātö yik tövahavö cha-a nö i chūök mi-inyih ngaich ve-ekūtö Ò, nöng hòṅ lūölkö taseū hilā Ò. Ngaich lööken yik lamūölken Ò nö ṙòkhöre.


Ngaich vë-ekūö Ò cha-a, hòṅ cha nöng lūölkö taseū hilā Ò; ngaich lööken nö ṙòkhöre yik lamūöla.


Keuheūt chahuhure Ang-Yēsū nö i Keleli, el chūök vine-eṅkūötēv cha, nö haköphöti, ane inrē mumkahten tö ngam tölöök inhangkö ngam pūlngö; halanken töṙōlkangen vah i yik tarik inrē.


Ngaich uroh cha-a nö keunnyö yik tövahavö nö el talöökö, ngaich ṙāten cha nö el chamamre, chatrāi inrē pòn hōtu öp nyat Pītör nö hanyattökui yip rēvre tö cha, yĕn chööḵöng.


Ngaich hĕng taka ök kūön ök yöngṙen tö hēngòng kumyung ök hanāngenlōn ò, vahav nö ngaich, nö hòṅ öhngen nö kapah.


Tön vëkö öp hanāngenlōnre An ngam Mā Tēv, ane inrē foh, ngòh nyīö ngòh töhōḵovö tö Ò.


Ngaich ngö ṙô Anga-aṅ tö ò, Kakūönö; ngam mikah meh an tölöökentī tö meh. Im kumchikṙen man ngaich kuṙòh. Ngaich lööken yēḵ tö ngam invahre.


Yihtöre ngaich Anga-aṅ, ngaich meuk yik tömaṙôngö. Ngaich aṙĕ-ĕlōn tö cha, halanken yik tövahav in cha ngaich.


Akahalōn pöri Ang Yēsū tö e; ngaich kē-ĕngre nö ṙā-ang in e. Maṙôngö yik tamömrit Ò; ngaich halanken cha Anga-aṅ, nö ṙòkhöre.


Ṙòngmö i hôi kanap cha ngam alaha öl nö uṙā-a ngaich ngam lanīnö ngam Mā Tēv nö hūlökūö nö i yik tarik, ane inrē ngam Mā Tēv aṅtī tö yöng tölëlngökūö invah nö chökṙen yik tarik.


Ngaich ngam Mā Tēv nö kēḵtö invah Fërō, ik patī ò inrē, tö tökiröng invah tökūö Sarai ök pīhö Aprām.


Chalô cha-a ngaich nö i Petsĕitā. Ngaich hĕng tak ök tötmeuk tarik, tö kētu tö cha nö in Ò, Ngaich ve-ekūö Ò nö lūölken ò.


Hĕng nòng chūök Anga-aṅ ngaich nö yôklö nö el ök kupòk Sīmōn; ngaich ve-ekūö ò Anga-aṅ nö rahëch höinytī nö ṙuhöinyre. Ūichngöre Anga-aṅ ngaich, nö mumkahten yik tömaṙôngö nö el ngam kupòk.


Ṙòkhöre yik tömaṙôngö tarik nö hòṅ sūöhken Ò; pò ök kanô-òṅ nö löknyö in Ò; ngaich lööken cha-a nö ṙòkhöre.


Hē e Anga-aṅ nö halanken yik tö maṙôngö tövahvö, yik töpōihangen, ane inrē tö sī-u alaha; kētö mat yik tömaṙôngö tötmeuk inrē.


Swiv nou:

Piblisite


Piblisite