T. MĀKÖS 2:8 - TÖHET LĪPÖRE (Re-edited) Bible (BSI)

⁸ Iṙūö akahalōn Yēsū tö cha nöng ellōnhanga nö inre; ngaich ngö ṙô tö cha, Kūöyòh öi höng ellōnhanga tö u?

T. MĀKÖS 2:8 Referans Kwoze

INLAHEN 8:22

Lökten man yēḵ havöötö ellōnre, ṙā-ang im ötlanöököre; ngaich ve-ekūö ngam Mā Tēv; yĕn lohten min ap ellōn meh nö aṙēlöngö.

INLAHEN 5:3

Ngaich ngö ṙô Pītör tö ò, Ananī; Sitih ang ngam Sātān nö hatööklö ellōn meh, öm hōtu minyôinyaṅ i ngam Töhet Fanöinylö, ngaich ròngti hayunngö tö ṙāi ök taṙeū?

T. YÔHAN 6:64

Rēvre pöri yip in yīö, töt ṙamātö ellōnre. Pò Yēsū nö ha-eheten mikahlōn tö yik tötṙamātö ellōnre, tö öp kamëḵngen Ò inrē.

T. LŪKÖS 24:38

Ngaich ngö ṙô Anga-aṅ tö cha, Kūöyòh öi röiyö alaha? Kūöyòh öi katönga ellōn?

T. LŪKÖS 6:8

Ngaich nöng akahalōn Anga-aṅ tö ellōn cha; ngö ṙô Ò tö ngam tarik, ngam tö lūmö kël, choholre man, söklöre ellōn, Choholre anga-aṅ ngaich, nö sökhaka.

T. LŪKÖS 5:22

Akahtöheichlōn pöri ang Yēsū, tö lōn cha, ngaich ngö ṙô nö sapṙô cha,

T. MËTIV 9:4

Ngaich Yēsū nö akahalōn tö lōn cha; ngaich ngö ṙô,

ISIKĪ-ĔL 38:10

Ngö ṙô an ngam Mā Tēv: Ip sakamö angū-ö yih min nup chanöh ellōn nö elkui lōn meh, ngaich me-eṅ min vīken tötlöök huneū-enre,

Salmai 139:2

Akahalōn Man tö anūichngö chu, chanôhòlchu inrē: marôvat Me-eṅ Öm akah ellōn chu.

HEPRĀI 4:13

Öt hĕng tö në tövīlöngö; töt hameuktu nö i maneūkö Ò: ṙòkhöre pöri nö chumlal, lingāṅhaka nö i mat Ò, ngam chūök hī vahī-envö.

T. YÔHAN 21:17

Ngö ṙô Yēsū tö ò, īm linūöi heuh, Sīmōn, me-eṅ kūön Yôna; hāngenlōn öm tö Chu? Haṙivlōn ngaich ang Pītör, pòn linūöi heuh ṙô Ò, nö ngö, Hāngenlōn öm tö Chu? Ngaich ngö ṙô Pītör tö Ò. Mā! Tökeuheūttöre mikahlōn Man; akahalōn Man, tö chu hāngenlōn tö Meh. Ngaich ngö ṙô Ang Yēsū tö ò, Ha-aṅlö në pököre Chu man.

T. MĀKÖS 7:21

Pòn löknyö lātuhēt, ṙā-ang el kuilōn tarik, nup tötlöök lōn nö meutnyi, chinô-òṅkānö, unlāyö, finël tarik,

Isayā 55:7

Hökngen ngam tötlöök nö ṙāngö ngam talöököre, ngam tarik inrē tötchiplö ellōn nö ṙāngö ellōnre: hökngen ò nö havantöre nö i ngam Mā Tēv, hòṅ ò nö aṙē-ĕlōn tö ò; havantöre inrē nö pōyen tī nö aṙē-ĕlōn tö ò; havantöre inrē nö im Tēv hī, hòṅ ò nö pōyen tī nö aṙē-ĕl.

INCHŌḴ-OṘÔ 24:9

Tökööl an ngam vinī-il kumlō-ov, sin-òṅkkūö tarik ngam tö mināich.

INCHŌḴ-OṘÔ 15:26

Sin-òkkūö ngam Mā Tēv nuk lōn tö tötlöök, ṙanāmölōn ò nup töhet ṙô.

1 KINṘÖTNGÖ 29:17

Tēv chu, akahalōn chin tö meh kamlah ellōn, tö kuchik ellōn inrē i tö chiplö; i chaniplö ellōn re chin kahanglōnre kētö në nö ṙòkhöre, ngaich chin inrē meuk vē tarik Meh, vē mī-ihih, kamahanglōnre nö kē-ĕti nö in meh nö ṙāmölōn.

INMEUKHÖMAT 2:23

Fëlngö yip kūön ò chin min aṅtītö kinpaha; ngaich ṙòkhöre në māṅ min nö akahalōn tö chu, öich chū-ö anga-aṅ, chamöh elkilpong, el fanöinylö inrē; kö kē-ĕkūö yīö min chu-ö tö tösā nup vahīṙen yīö.

T. MËTIV 12:15

Akahalōn pöri Ang Yēsū tö e; ngaich kē-ĕngre nö ṙā-ang in e. Maṙôngö yik tamömrit Ò; ngaich halanken cha Anga-aṅ, nö ṙòkhöre.

T. MËTIV 16:7

Ngaich cha-a nö ve-ekūöre, nö ngö ṙô, Öt kēkö ròtī in,

T. MĀKÖS 2:7

Nö ngö, Kūöyòh Ang ngòh tarik nö ngatī ṙô? Ötlēkôre An. Achīö öp tökô nö aṙē-ĕl tökööl, höng humĕng tak, ngam Tēv?

T. MĀKÖS 2:9

Ngam yòh öng tölööṙen ṙô i ngam tölum, Aṙēlöng nup tökööl meh nö ngaich? Ane ṙöng, Choholre; kēḵ ngam chamanre, kiröönngöre?