T. MĀKÖS 2:5 - TÖHET LĪPÖRE (Re-edited) Bible (BSI)

⁵ Höng meuktöre Yēsū tö mikah cha, ngaich ngö ṙô tök tölum, Kakūönö; aṙēlöng nup tökööl meh nö ngaich.

T. MĀKÖS 2:5 Referans Kwoze

T. MËTIV 9:2

Ngaich hĕng tak ök tövahavö tölum, tökētu töcha nö in Ò, hulalhaka el chamam, ngaich meuk mikah cha Ang Yēsū, ngaich ngö ṙô tök tövahavö tölum, “Kakūönö; um pa-ekūö arēlöngö nup tökööl meh nö ngaich.”

YĀKÖP 5:15

Ngaich ngam vine-eṅkūötēv aṅ im ṙinātö ellōn min nö yöölentī tö ò ngam tövahavö, ngaich hachohlen ò min ngam Mā: aṙēlöngö min anga-aṅ tö nup tököölre, yē ò nö kēken tökööl.

T. MËTIV 9:22

Havöölökūöre pöri Yēsū, ngaich meūkan; ngaich ngö ṙô tö ò, “Kakūönö, um pa-e-kūö; ap mikah meh ap tölöökentī tö meh.” Ngaich lööken ngam kikānö, im hē e takô.

EFISÖS 2:8

Pò yīö kūö inlōnti ngaich hayöökaṙen lökten mikah; rö-ö nö aṅ in yīö angū-ö: aṅ im Tēv an inlōnti:

INLAHEN 5:31

Anga-aṅ hapōilö ngam Tēv nö lāhāmö Ò, nö Rācha, Mahayööken inrē; hòn kētö invöötö ellōn nö in Israĕl, inṙē-ĕl tökööl inrē.

T. YÔHAN 5:14

Unôichngöre Yēsū nö kôktökūö tö ò nö el ök töhet chūök; ngaich ngö ṙô tö ò, Yĕh meuk: ngaich man lööken; uh pömchö hēk köölö fālen hòṅ meh öt ṙūöngenre.

T. LŪKÖS 5:20

Höng meuktöre Anga-aṅ tö mikah cha, ngaich ngö ṙô Ò, Me-eṅ tarik, aṙēlöng nuk tökööl meh nö ngaich.

KÒLÒSĪ 3:13

Kö ṙāpö höö, kö aṙēlen höö, yĕn tarīku tö miṙivulōn nö i töng holre; sā tī ngam Tēv nö aṙēlen yīö, ngatī yin yēḵ yī-ö inrē:

2 KÒRIN 2:10

Yē yīö aṙēluvö ip tö hĕng tak, aṙē-ĕl chu-ö inrē: öp töng aṙēlöngö tö chu nö ngaich yē chu ngaich aṙēluvö, aṙēlö e chū-ö in Kristū tökūö yīö;

1 KÒRIN 11:30

Angū-ö an lökngen yip töpōyen in yīö, töt kalēḵ alaha, vahavö inrē, röön öt pōyen tökapah inrē.

INLAHEN 14:9

Anga-aṅ hamang ṙô Pôl; ngaich Pôl nö haköpmatre nö ngëichken ò; ngaich akahalōn tö ò nö mikahavö, töp lökten lanööken ò.

INLAHEN 11:23

Chalôhë anga-aṅ, ngaich meuk ngam inlōnti aṅ im Tēv, ngaich ṙāmölōn; ngaich ṙuhöl alaha cha anga-aṅ nö ṙòkhöre; pòn hōtu cha-a nö haköpngöre nö im Mā, holtö ellōnre.

T. YÔHAN 2:25

Öt hòṅ kusīknyô tö hĕng tak Anga-aṅ nö eūkö inlahen tarik; pò Ò Anga-aṅ nö akahalōn tö ellōn tarik.

T. LŪKÖS 8:48

Ngaich ngö ṙô Ò tö ò, Kakūönö, ap mikah meh ap tölöökentī tö meh. Kumchikngöröönre man kuṙòh kiröönngöre.

T. MĀKÖS 5:34

Ngaich ngö ṙô Anga-aṅ tö ò, Kakūönö; ngam mikah meh an tölöökentī tö meh. Im kumchikṙen man ngaich kuṙòh. Ngaich lööken yēḵ tö ngam invahre.

Isayā 53:11

Meuk ṙòng kanihngen an min nö ellōnre ngaich tööḵönglōn; lökten ngam in ò inkaha ngam tölöök min, ngam tarik chu, nö pōyen vahīten tö tölöök; ngaich anga-aṅ inrē min nö keun nup tökööl cha.

Isayā 38:17

Yĕh meuk kūö lanāmö an nö in chu lökten chu kiröngö miṙivlōn: Hāngen pöri me-eṅ tö ngih nômö chu öm ṙānyö e ṙā-ang el anūlö chūök töchahū-uyö: pò meh ngaich kavalngö nuk tökööl chu nö lā-uk chu.

Salmai 103:3

Ngam ma-aṙē-ĕl nup tökööl meh nö ṙòkhöre: tö lööken tī tö nup invah meh nö ṙòkhöre.

Ranehlö 22:12

Ngaich ngöṙô Anga-aṅ, Uh man ṙātö eltīre im nyīö kikōnyö, um rēhĕn tinī-iv in ò, tön ngaich Chin akahalōn tö meh pa-ekūö töngam Tēv, yĕh meuk tömeh ötma-iṅ ngam kikōnyö kūönre, ngam aṅ in Chu, kikōnyö kūön meh töng hĕngmaneuk.

T. MËTIV 9:5

Öp yòh öp tölööṙen nö ṙô, ‘Aṙēlöngö nup tökööl meh nö ngaich; ngih ṙöng, ‘Choholre; kirööngöre?

T. MĀKÖS 2:6

Harohtum tak pöri yik kamūich amūichhaka, ngaich nöng ellōnhanga.