T. MĀKÖS 2:27 - TÖHET LĪPÖRE (Re-edited) Bible (BSI)

²⁷ Ngaich ngö ṙô Anga-aṅ tö cha, Pòkūö tarik an ngam töhet sakāmö nö vīlöngö; rö-ö nö pòkūö ngam töhet sakāmö nö vīlöngö ngòh tarik.

T. MĀKÖS 2:27 Referans Kwoze

KÒLÒSĪ 2:16

Uh yin lökten akaha tö tarik, i nyinā-aṅ, inôkö, hēk i tökiröng sakāmö, hēk salnūvö chingëṅt, hēk sinat sumkam:

T. LŪKÖS 6:9

Ngaich ngö ṙô Yēsū tö cha, Hatönö yīö Chin. Kô-òren öi la-evṙen tö tölöök hē el töhet sakāmö, tötlöök ṙöng? Inyööken nômö, ane ṙöng ötinkôlò e?

I. CHÖNGÖ 5:14

Anôilö ngam Mā Tēv meh pöri ngam sinātö sakāmö ngam Tēv meh: uh më-eṅ la-evṙen tö yô-òv hē e, më-eṅ un rēhĕn öp kikōnyö kūön meh, un rēhĕn ngam kikānö kūön meh, un rēhĕn ngam kikōnyö kūön alaha meh, un rēhĕn ngam kikānö kūön alaha meh, un rēhĕn ap kōiny nuā meh, un rēhĕn ap köttö meh, un rēhĕn nö hĕng nòng aṅ i nup nūa meh, un rēhĕn ap aṅ tahëng ap mī-in meh; hòṅ ap kūön alaha meh, tap kikānö kūön alaha meh inrē nö sā meh nö heūheure.

ISIKĪ-ĔL 20:12

Hēk inrē chū-ö kē-ĕkūö cha tö minë töhet sakāmö chu, nö sā minkahngö ihôi chu tö cha, hòṅ cha nö akahalōn tö chu öich Mā Tēv ma-ahetlö u.

Isayā 58:13

Yē meh kānngöre tö ngam töhet sakāmö, i nup kumchiklōn meh inrē im töhet sakāmö chu, ngaich havëkö ngam töhet sakāmö nö ṙanāmölōn ineū-euṅ inrē nö töhet sakāmö ngam Mā Tēv; yē meh milēḵṙen tö e, öm öt hönglök taköököre, hēk chöh kumchikṙenre, hēk kahôkkö töng minônṙô:

ISIKĪ-ĔL 20:20

Ahetlö minë töhet sakāmö chu hòṅ u nö minkahngö ihôi yīö tö chu, hòṅ yīö akahalōn tö chu Mā Tēv öich Tēv yīö.

MANEUTNYI 23:12

Tafūöl sumkam alaha më-eṅ la-evṙen, heūheure ngaich im sinātö sakāmö: hòṅ ap kōiny nuā meh köttö meh inrē nö heūheure, öp kikōnyö inrē kūön öp tarik meh kikānö töp tarik inrē aṅ tahëng, nö uhāvlöre alaha.

T. YÔHAN 7:23

Yē ngòh tarik nö tunyīnyi hē el töhet sakāmö, pòn sōtu ngam chöngö Môsös nö filāli; līn öi in Chu, pò Chu lööken tī tö tarik hē el töhet sakāmö?

2 KÒRIN 4:15

Pòn ṙòkhöre nö pòkūö yīö, hòṅ ngam inlōnti nö ṙūöhlöngö, lökten i tömaṙôngö, ngaich tī-iv tö ngam Nöinyö nö pōyen, nö kanôlò ngam Tēv.

I. CHÖNGÖ 5:12

Haköpkö ngam anôilö sakāmö, haköpö e nö het, sā inchöngten meh tö ngam Mā Tēv ngam Tēv meh.

T. MĀKÖS 2:28

Lökten Ön ngòh kūön Tarik nö mākūö ngam töhet sakāmö.